Revistakunata serviciopi munachisunchik
1, 2. ¿Imaynatam runakunata yanaparqa Atalaya ¡Despertad! revistakuna?
1 “Sumaq, allinpaq, kallpanchakuq.” “Allin kallpanchaq revistakunatam leerqani.” Kaynatam ninku enterollan Allpantinpi Atalaya ¡Despertad! leeqkuna. Revistanchikkunaqa ancha valorniyoqmi allin willakuykunata ‘llapallan runakunaman’ apanapaq (1 Tim. 2:4).
2 Negociopi llamkaq runam ¡Despertad! revistapi huk tema willasqanta yachayta munaspa, revistawan quedakurqa. Chaymanta Atalayapi leesqa taksachanmantapacha trinidadpi creesqanmanta, kaymi yapamanta yuyaymanachisqa. Kaymi allinta kallpanchasqa, soqta killa pasaruptinmi bautizakusqa. Huk runam sapa kutipi revistakunata chaskirqa, manataqmi haykapipas leesqachu. Warminñataq Testigokunawan mana rimayta munasqachu, ichaqa qosanpa chaskisqan revistakunatam leesqa. Bibliapa nisqan hina paraisopi hunta sonqo runakunapa yachananmanta yachaspam, sonqon kusirikurqa. Tiempo risqanman hina paypas, wawanpas, ñañanpas Jehová Diospa serviqninkunaña karqaku.
3. ¿Imanasqam allin kanman iskaynin revistakunata munachiy?
3 Iskaynin revistakunata munachisunchik. Punta ejemplokunapi hina, manam yachakunchu pim revistanchikkunata leenqa, nitaq imam kallpanchanantapas (Ecl. 11:6). Huk revistallamantaña allinta rimaptinchikpas iskaynintam Atalayata ¡Despertadtawan! munachina. Wakinpiqa huk visitallapim achka revistakunata munachichwan.
4. ¿Imaynatam tiemponchikta sapaqchachwan revistakunawan predicanapaq?
4 Allinmi kanman semanapi huk punchaw rakiy revistakunata munachinapaq. 2005 watapi Jehová Diospa Testigonkunapa Calendarionpim señalasqa sapa sábado “revistakunapaq punchaw”. Yachasqanku llaqtapi sabadonpi revistawan mana llamkayta atispaqa, huk punchawtam wakinqa sapaqchanku revistawan llamkanankupaq. ¿Sapaqchachkankichu semanapi tiempoykita revistakunawan predicanaykipaq?
5. ¿Maykunapim revistakunata munachichwan, imam chaypaq yanapawasunchik?
5 Hayka runamantaq chayayta munanchik. Sapa killapi hayka revistata saqey munasqanchikmi, yanapawasunchik servicionchikpi masta kallpanchakunanchikpaq. ¿Yachankiñachu pikunaman revista saqenaykita? ¿Munachichkankichu revistakunata serviciopi? ¿Munachiwaqchu revistakunata callekunapi predicaspa, negocio ruraqkunaman, achka runa kasqanpipas? ¿Apankichu revistata viajanaykipaq, rantiq rispa, otaq piwanpas tupanayki kaptin? Tukuy tiempopi hukkunata allinninpaq yanapasunchik revista Atalayawan ¡Despertadwan!
6. ¿Imatam rurachwan ñawpa revistakunawan?
6 Saqechwanmi ñawpa revistanchikkuna kaptinpas. Iskay killa otaq masña revistakuna chayamusqanmanta pasaruptinpas, revistapa ima yachachisqanpas hina valorniyoqllam. Munaqkunaman saqey. ‘Tiempollanpi rimarisqa Palabra’ hinam, millonninpi runakunapaq Atalaya ¡Despertad! revistakunaqa (Pro. 15:23). Kay revistakunawan yanapasunchik millonninpi runakunata, Jehová Diosta reqsinankupaq kamachisqantapas kasukunankupaq.