Tiempota allinta servichikusunchik
1 Espiritual kawsaymanmi tanqawasunchik Jehová Diosta kuyakuyninchikqa. Bibliaqa kamachiwanchikmi “puntataqa maskaychik Diospa munaychakusqantawan” hinaspa “allin kaqkunata reqsinaykichikpaqmi” (Mat. 6:33; Fili. 1:10). ¿Imaynatam Diospa munayninkunapaq ‘tiempota rakichwan’ pisi valorniyoq ruraykunata qepaman churanapaq? (Efe. 5:15-17.)
2 Diospa Munaychakusqanta puntaman churay: Pisi valorniyoq ruraykunawan tiempota mana usuchinapaq allinta allichakuy. Wakinkunaqa killa qallariyllatam allichakunku ima punchaw predicaq lloqsinankupaq hinaspam mana imapas harkananpaq kallpanchakunku. Chaynallataqmi ruranchik huñunakuykunawan, kikinchik estudianapaq hinaspa hatun asambleakunawanpas. Achkam allinta allichakuspanku qallarinkupas otaq tukunkupas sapa punchawta Bibliata leespanku. Hatun ima ruraykunapaqpas tiempollantam rakisun mana yanqa ruraykunawan harkachikunapaq (Ecl. 3:1; 1 Cor. 14:40).
3 Pisiyachiy kay pachamanta servichikuynikita: Wakin nacionkunapiqa manam sasachu tiempo usuchiyqa, tukuy imaymana pukllaykunapi, samakuykunapi, kusikuykunapipas hinaspa imaymana munaykunapipas. Televisor qawayllapi otaq computadora hapiyllapim achka runakuna sinchita tiemponkuta usuchinku. Ichaqa pipas yanqalla ruraykunapi otaq yachaysapa runakunapa mosoq ima rurasqankunawan llumpayta afanakuqqa ñakariypim tukunqa (1 Juan 2:15-17). Chayraykum, Bibliaqa niwanchik ama llumpaytaqa kay pachata servichikuychikchu (1 Cor. 7:31). Kay allin consejokunata uyarikuspanchikqa, kawsayninchikpim Jehová Diosta qawachisun paypa yupaychaynin puntapi kasqanta (Mat. 6:19-21).
4 Pisi tiempollañam puchun kay pachataqa. Mayna kusisqam kanqaku Jehová Diospa munaychakusqanta puntaman churaqkunaqa hinaspam paypa favorninta chaskinqaku (Pro. 8:32-35; Sant. 1:25). Chaynaqa, allintayá kay valorniyoq tiemponchikta servichikusunchik.