Ancha yuyaymanarinapaq video
“Kay videoqa allintapunim yuyaymanachisunki.”
“¡Sonqoymanpunim chayaruwan!”
“¡Hukmanyaspayraqmi admirakurqani!”
1 Chayllaraq Los jóvenes preguntan... ¿Cómo conseguir amigos verdaderos?, nisqan videota qawaruspayki, ¿chaynatachu sientekurqanki? Pasaq watakunapim, huk mozo wawqenchik sasachakuykunapi tarikurqa mana allin amigonkunarayku. Paykunam Dios kuyayninta chinkachirqaku, chaynapim Jehová Dioswan amistadninta chinkarachirqa. Chayna kachkaptinmi Amigos verdaderos nisqan video lloqsimurqa. Paymi nin: “Yapa-yapamanta qawaptiymi, weqeypas uyayta suturqa. Jehová Diosmanmi agradecekuni necesitasqay hora yanapaykuwasqanmanta”. Kay video qawasqanmi mana allinpi purisqanmanta allin kaqman kutirimunanpaq yanaparqa, chaynataq allin amistadkunatapas tarinanpaq. Nirqataqmi: “Qamkunaqa yachankichikmi mozo-sipaskunata ima pasasqanmanta”. Tayta-mamakunawan churi-wawakuna, ¿imanasqataq kay videota mana kaqllamantachu qawankichik aylluykichikwan kuska estudiaspaykichik? Sapa partenpi sayachispayá ama penqakuspa nitaq hukmanyaspa qatiqnin tapukuykunamanta estudiaychik.
2 Qallariyninmanta: ¿Pitaq cheqap amigo kanman? (Pro. 18:24.)
3 Amistadta ruranapaq sasachakuykunamanta: ¿Imaynatam mana amigoyoq sientekusqaykita atipawaq? (Fili. 2:4.) ¿Imanasqam kallpanchakunayki imayna kasqaykita cambianaykipaq, hinaspa pitaq yanapasunkiman chaynata ruranaykipaq? ¿Imataq yanapasunki amigoyoq kanaykipaq hinaspa maypitaq tariwaq? (2 Cor. 6:13.)
4 Dioswan amistad ruraymanta: ¿Imaynatam Jehová Diosman astawan asuykuwaq hinaspa imanasqam ancha allin kallpanchakuyniki? (Sal. 34:8.) ¿Pikunataq astawan yanapasunkiman Dioswan amistadniki kallpanchakunanpaq?
5 Mana allin amigokunamanta: ¿Pikunataq kanman mana allin amigokuna? (1 Cor. 15:33.) ¿Imaynatam mana allin amigokuna huchapi urmachisunkiman? ¿Imatam yachawaq Dina sutiyoq sipasmanta? (Gén. 34:1, 2, 7, 19.)
6 Kunan tiempopaq sumaq ejemplomanta: ¿Tara sutiyoq sipasta imaynatam sapallanpi tarikusqan hukmanyachirqa? ¿Imatam nirqa amistadninkunamanta? ¿Ima sasachakuykunapitaq churarqa chay amistadninkuna? ¿Imanasqam tayta-mamanku mana musyakurqakuchu wawan sasachakuypi tarikusqanta hinaspa imayna sonqowanmi espiritualpi allinyananpaq yanaparqaku? ¿Imaynatam qawachirqa huk precursora Tara sipaspa cheqap amigan kasqanta? Cristiano hina, ¿imanasqataq kasukunanchik Proverbios 13:20 hinaspa Jeremías 17:9 nisqanta? ¿Imakunatam Tara sipasqa chaykunamanta yacharqa?
7 Tukunapaq: ¿Imakunatam yacharqanki chay video qawasqaykimanta? ¿Imaynatam servichikuwaq hukkunata yanapanaykipaq? (Sal. 71:17.)