¿Preparasqachu kachkanki hatun desgraciakunapaq?
1. ¿Imanasqataq desgraciakunapaq allintapuni preparakunanchik?
1 Watan-watanmi wara-waranqa runakuna, wawqe-paninchikkunapiwan enteron pachapi ñakarinku terremotokunawan, lamar qochapa lloqsiramusqanwan, sinchi wayra parawan, hatun remolino wayrawan hinaspa lloqllawan mayu lloqsiramusqanwanpas. Kay desgraciakuna qonqayllamanta pasakusqanraykum hinaspa mayqenninchikpas mana ñakarinanchikraykum allinpuni kanman ñawpaqmantaraq preparakuyninchik (Pro. 21:5).
2. ¿Imanasqataq maypi yachasqanchikta hinaspa telefononchikpa numerontapas ancianokunaman willakunanchik?
2 Manaraq desgracia pasakuchkaptin: Wakinpiqa autoridadkunam willawachwan desgraciakuna kananmanta. Chayna kaptinqa, ancha allinmi uyarikuyninchikqa (Pro. 22:3). Congregacionpi ancianokunam kallpanchakunanku wawqe-paninchikkunaman imayna preparakunankumanta willanankupaq. Desgracia pasaytañataqmi, kallpanchakunku congregacionpi lliw huñunakuqkunamanta imayna kasqankuta yachanankupaq hinaspa imam necesitasqanpi yanapanankupaqpas. Tiempotam usuchinmanku wawqe-paninchikkunapa maypi yachasqankuta hinaspa telefononkupa numeronta mana yachaspankuqa. Chaymi allinpuni wawqe-paninchikkunapa willakuyninkuqa secretario kaqman hinaspa estudio de libro nisqan punta apaq wawqenchikman sichu maypi yachasqanku otaq telefononkupa numeronpas cambiaruptinqa.
3. ¿Imaynatam ancianokunata yanapachwan sapa kuti desgracia pasanan lawpi yachaspaqa?
3 Wawqe-paninchikkuna desgracia sapa kuti pasanan lawpi yachaptinkuqa, ichapas ancianokuna wawqe-paninchikkunata tapunqaku mana chaypi yachaq ayllunkunapa otaq amigonkunapa sutinkutawan telefononkupa numerontapas, desgracia pasakuptin paykunata qayanankupaq. Kayna rurayninkum ancianokunata yanapanqa desgraciamanta lluptiqkuna maypi kasqankuta yachanankupaq. Ancianokuna ichapas arreglota ruranmanku wawqe-paninchikkunata imayna yanapanankumanta; chaykunam kanman, sapa wawqe-paninchikkunapaq imapas aswan necesitasqankuna, mayman pusanankupaq arreglo hinaspa aswan necesitaqkunata imayna yanapanankupaqpas. Ancha allinmi kay arreglopi llapallanku yanapakuyninkuqa (Heb. 13:17).
4. ¿Imatam ruranayki yachasqayki lawpi desgracia pasakuptin?
4 Desgracia pasayta: ¿Imatam rurawaq yachasqayki lawpi desgracia pasakuptin? Puntataqa aylluykipa aswan necesitasqankunatam atiendenayki. Atispaykiqa hukkunatapas yanapawaqmi chay desgraciapi sasachakuqkunata. Kallpanchakuy estudio de libro nisqanpi punta apaq wawqenchikman otaq huk ancianomanpas imayna kasqaykita chaylla willanaykipaq. Allinlla tarikuspaykipas chaynataq yanapanata mana necesitaspaykipas hinam willakunayki. Yanapanata necesitaspaykiqa, confianzawan suyay, wawqe-paninchikkunam tukuy atisqankuta rurachkanku yanapasunaykipaq (1 Cor. 13:4, 7). Yuyariy Jehová Diosqa qawachkanmi sasachakuypi kasqaykita, paypi confiakuy payqa yanapasunkim (Sal. 37:39; 62:8). Qawan-qawanlla kay espiritualpi wakinkunata kallpanchanaykipaq (2 Cor. 1:3, 4). Chaylla ruray espiritualpi ruraynikikunata (Mat. 6:33).
5. ¿Ima ruraymanmi cristianokunata tanqawanchik desgraciakuna pasakusqan?
5 Arí, kay hatun desgraciakunaqa hukmanyachinmi lliw runakunata, ñoqanchikmi ichaqa cristiano hina confiakunchik lliw kay desgraciakuna chinkananta (Apo. 21:4). Chaykamaqa, atisqanchikman hina imatapas rurasun manaraq chay sasachakuykuna chayamuchkaptin preparasqa kananchikpaq hinaspapas Diosmanta allin noticiakunatayá tukuy sonqowan hinalla willakusun.