Jesuspa wañukusqanta yuyarinapaq yuyarichiykuna

Jesuspa wañukusqantam yuyarisun lunes 2 abril punchawta. Kaykunatam ancianokuna tanteachkananku:

◼ Imay hora kananta tanteaspaqa tantatawan vinotaqa manam pasachinachu manaraq Inti seqaykuchkaptinqa.

◼ Llapallanman willaychik, discursaqmanpas imay hora hinaspa maypim kay huñunakuy apakunanta.

◼ Chay punchawpaqmi listo kanan tantawan vinopas (qawariy 15 de febrero 2003 La Atalaya revistapa 14, 15 paginankunata).

◼ Tiempowan salonpi churaychik allin mantelniyoq mesapi copakunatawan platokunata.

◼ Ñawpaqmantaraqmi Salonta alli-allinta pichananchik otaq maypi huñunakuy apakunantapas.

◼ Tiempowanmi akllanaykichik acomodador kaqkunata hinaspa tantatawan vino pasaqkunatapas, yachachiychik imam ruranankuta imayna ruranankutapas hinaspa chay punchaw pachakuyninkuwan allichapakuyninkupas allin kananpaq.

◼ Arreglokunatam ruranaykichik tantatawan vinota ungido kaqkunaman apanapaq, onqosqankuwan mana huñunakusqankurayku.

◼ Hina Salonllapi achka congregacionkuna huñunakuptinkuqa, tanteaychik imay hora kananta chaynapi yaykuna punkupi, veredakunapi hinaspa carrokuna maypi sayananpipas mana tanqanakunankupaq.