Wakchakunapaq ima suyakuy kasqanmanta
1 Jesusqa qawachirqa wakchakunata llakipayasqanta. Payqa runakunapa pisipusuqninta qoykurqa chaynataq onqoqkunatapas hampirqa, chaykunamantam ichaqa ‘wakchakunata allin noticiata’ willaypi astawanqa kallpanchakurqa (Mat. 11:5). Kay tiempopipas Diosmanta willakusqanchikqa hukkunatapas chaynataq wakchakunatapas yanapanmi (Mat. 24:14; 28:19, 20).
2 Cheqap suyakuy: Wakcha runakunamanta wakinkuqa tukuy sonqonkumanta qoykukuqmi kanku iglesiankupi umalliqkuna aswan allinraq kanankupaq munachiptinku. Wakchayaytawan runapa llapa sasachakuyninkunatam ichaqa Diospa Munaychakuyninmi chinkachinqa. Chaynatamá Bibliaqa yachachin (Sal. 9:18; 145:16; Isa. 65:21-23). Chaymi Bibliapa cheqap yachachisqanta runakunaman yachachispaqa yanapasunchikmi Diosmanta yachay munasqankupi (Mat. 5:3).
3 Jesuspa tiemponpipas fariseo runakunaqa wakchakunatam qawaqku mana valeqta hina ‛am ha·’á·rets (“ñakasqa runakuna”) nispanku. Jesusmi ichaqa wakchakunapa vidanta llumpayta kuyarqa (Sal. 72:13, 14). Jesuspa rurasqantam qatikuchwan llampu sonqolla chaynataq llakipayakuq kaspa wakchakunata yanapaspanchik (Pro. 14:31). Manamá wakchakunataqa ñakachwanchu nitaq predicaspapas paykunataqa wakcha kaptinku manaña predicachwanchu. Astawanraqpas Diospa Munaychakusqantaqa wakcha runakunam allinpaq hapispa kasukuchkanku.
4 Kay tiempopipas yanapakuymanta: Predicasqanchikmanta pipas Bibliapa nisqanta kasukuyta yacharuspanqa yachantaqmi wakcha kaywan mana atipachikunanpaq. Piensarinapaq, Bibliaqa yachachiwanchikmi mana sinkakunapaq, qollqepaq mana pukllanapaq, mana qella kanapaq, cigarrota mana pitanapaq nitaq imatapas astawan wakchayachiwananchikpaq kaqta mana ruranapaq (Pro. 6:10, 11; 23:21; 2 Cor. 7:1; Efe. 5:5). Chaymantapas yachachinmi allin ruraq kanapaq chaynataq “tukuy sonqowan” llamkanapaqpas, chayna kaspanmi llamkapakuqkunaqa allinpaq reqsichikunku (Col. 3:22, 23; Heb. 13:18). Patronkunata tapuptinkum qawachirqa llamkapakuy munaqta chaskinankupaqqa mana llullakuqkunata chaynataq allin llamkaqkunata munasqankuta.
5 Jehová Diosqa llakikunmi wakchakuna ñakarisqankumanta. Chaymi Churin Jesucristoqa chayllapuni “libraykunqam qayakuq wakcha runataqa” (Sal. 72:12). Chay tiempo chayamunankamam favorecesqa kachkanchik llapallan runakunaman wakchakunamanpas Bibliapi consuelaq willakuykunawan yanapananchikpaq.