Imaynatataq predicacionpiqa kallpanchanakuchwan
1 Lliwmi agradecekunchik sumaq ‘terminonpi rimarisqa palabramantaqa’ (Pro. 25:11). ¿Imaynatataq rimasqanchikkunawan kallpanchachwan predicasqanchikpi wawqe-paninchikkunataqa?
2 Kallpanchaq hina rimariy: Predicacionpi Diosta servisqanchikmanta rimasqanchikmi wawqe-paninchikkunata kallpanchanqa (Sal. 37:30). Ejemplopaq, rimachwanmi imamanta predicananchikmanta otaq willachwantaqmi predicasqanchikpi kallpanchakunanchikpaq hina pasawasqanchikmantapas (Hech. 15:3). Chaymantapas, ¿rimachwanchu sapa punchaw Biblia leesqanchikmanta, chayllaraq leesqanchik revistamanta otaq mayqen huñunakuypi yachachikuy uyarisqanchik piensarichiwasqanchikmantapas? Hinaspapas rimarichwanmi huñunakunanchik Salonpi discurso uyarisqanchikmantapas.
3 Manamá allinchu sientekunchik pipas mana yachasqanchikmanta imatapas tapuwaptinchik. Ichaqa chay punkumanta pasaspanchikqa predicaqmasinchikta yanapachwanmi huk ratochalla sayaykuspa Razonamiento sutiyoq librota servichikuspa imaynatam payqa huk kutipi kutichinman chayna tapusqankuta. Sichum predicaqmasinchik allinta predicaruptinqa kallpanchaykuchwanmi sumaq rimaykunawan chayman hina astawanraq kusispa kallpanchakunanpaq.
4 Kallpanchanaykipaq arregloykita ruraypuni: ¿Congregacionpi librota estudiananchik grupopiqa kachkanchu mayqen iñiqmasinchikwan manaraq predicasqayki? Chaynaqa ‘Kallpanchachwanmi’ sichum hukkaqninta ñoqanchikwan predicaq lloqsinanpaq kallpanchaspanchikqa (Rom. 1:12). Precursor regularkuna hinaspa precursor auxiliarkunapas munankumá predicaypi wawqe-panikuna aslla lloqsiptinkupas compañanankuta tutamanta otaq tardeykuytapas. Acompañanapaq kallpanchakuspanchikmi paykunataqa astawan yanapachwan. ¿Kachkanchu mayqen wawqe-panikunapas onqosqanrayku predicacionman mana riy atiqkuna? Kallpanchachwanmi predicacionman otaq bibliamanta estudio qonapaq acompañawananchikpaq arreglota ruraspaqa (Pro. 27:17).
5 Pisillapi ima allintaña ruraptinpas sonqomanta kuyay palabrakunawan kallpanchayqa pitapas kallpanchanpunim. Chaymi kay ruraykunataqa yuyananchikpunim wawqe-paninchikkunawan predicasqanchikpi hinalla ‘kallpanchanakunanchikpaq’ (1 Tes. 5:11).