Tapukuykunapaq kaq

◼ Tayta-mamakunaqa ¿iskayninkuchu informananku wawa-churinkuwan familiapi estudiasqankumanta?

Taytam wawa-churinkunataqa yachachinan Jehová Diospa “yachachikuyninman hina”, chayna kaptinpas tayta-mamam wawa-churinkutaqa yachachinanku (Efe. 6:4). Chaymi Biblia nin: “Churilláy, kasukuyá taytaykipa anyasusqaykitaqa. Churilláy, amayá qonqaychu mamaykipa yachachisusqaykitaqa”, nispa (Pro. 1:8). Warmakunata yachachinapaqqa Bibliamanta familiantin estudiaymi yanapawasunchik.

Ñawpaqtaqa, wawankuman Bibliamanta warmi-qari yachachispankuqa yachachiqllam horataqa informaq. Manam chaynañachu kanqa. Manaraq bautizasqa wawankuta tayta-mamakuna semanapi achka kutita yachachispankupas sapakamam semanapi huk horallata yupananku informanankupaq (Deu. 6:6-9). Runamasinchikman predicasqanchiktam informananchikqa, chaymi huk horallata hinaspa huk revisitallata informananchik Bibliamanta familiantin estudiaspa otaq wawa-churinchikman hayka horataña semanapi yachachispapas. Yachachiqqa huk estudiollatataqmi informananpas.