¿Atichwanchu predicacionpi astawan llamkayta?
1. ¿Imanasqataq astawan predicanapaq kallpanchakunanchik?
1 Diospa munaychakusqanmanta achkallaña runakuna yachay munasqankuta qawaspanmi, qatiqninkunata Jesus nirqa: ‘Mañakuychikyá chakrayoqta cosechaqkunata kachamunanpaq’, nispa (Mat. 9:37, 38). Arí, cosecha tiempopa tukuyninpiña kasqanchikraykum kallpanchakunanchik predicacionpi astawan llamkanapaq. Chaypaqqa Jehová Diospa yanapakuynintam mañakunanchik allinta tiempochakunapaq (Juan 14:13, 14).
2. Cosechaqkunata mañakunapaq Jesuspa nisqanman hina, ¿imapaqmi wakin iñiqmasinchikkuna tanteakuchkanku?
2 Astawan predicanamanta: Jehová Diospa yanapakuyninwanmi achkallaña iñiqmasinchikkuna precursor kachkanku (Sal. 26:2, 3; Fili. 4:6). Wakiqninkuqa anchatam kallpanchakunku watapi huk otaq achka killakuna precursor auxiliar kanankupaq, chaynatam astawan predicanku. Wakiqninkum chayna llamkasqankuwan anchata kusikuspanku tantearunku precursor regular kanankupaq (Hech. 20:35).
3. Sichu pasaq watakunapi precursor karqanki hinaspaqa, ¿imapaqtaq tanteakuwaq?
3 ¿Yapamanta precursor kawaqchu? Pasaq watakunapi precursor kaspaykiqa kusikuykunatachá tarirqanki. ¿Yaqachu Jehová Diosta mañakurqanki yapamanta precursor kanaykipaq? Precursor kasqaykita saqenaykipaq imapas sasachaqnikiqa ichapas chinkarunña, hinaptinqa ima sumaqmi kanman yapamanta precursor kanaykipaq tanteakuynikiqa (1 Juan 5:14, 15).
4. ¿Imapaqtaq llapallanchik kallpanchakuchwan?
4 Cosecha tiempoqa ñam tukuyninpiña kachkan (Juan 4:35, 36). Llapallanchikmi tiemponchikta qawaspa tanteakuchwan predicaypi astawan llamkananchikpaq. Manaña precursor kayta atispapas, ¿kallpanchakuchwanchu allin predicaq kananchikpaq? (Mar. 12:41-44.) Sichu tiempoyki allin kaptinqa Jehová Diospa makinpiyá churakuy precursor kanaykipaq. Chaynaqa, ¡amayá usuchiychu chay tiempotaqa! (Sal. 110:3.)