Iskay punchaw asambleanchikqa iñiyninchiktam waqaychan
1. ¿Imatataq Jehová Diosqa qowanchik allin noticiamanta hinalla predicananchikpaq?
1 Jehová Diosmi kuyakuyninpi yachachikuyta qowanchik hinaspa kallpanchawanchikpas allin noticiamanta hinalla predicananchikpaq (Mat. 24:14; 2 Tim. 4:17). Chaypaqmi sapa wata kapuwanchik iskay punchaw asambleanchik. 2010 watapaq iskay punchaw asambleapa yachachikuyninkunam rimanqa imayna iñiyninchikta waqaychanamanta. Horqosqam kanqa Romanos 8:5, chaynataq Judas 17-19 versiculonkunamanta, qallarinqataqmi 31 punchaw agosto killamanta.
2. a) ¿Imakunapitaq iskay punchaw asambleaqa yanapawasunchik? b) ¿Imaynatam pasaq watakunapi kayna asamblea yanapasurqanki?
2 Imaynatam yanapawasun: Yanapawasunmi rikchan-rikchanlla kaspa kusirikuykunaman mana wichinanchikpaq, chaykunaqa llumpaytam tiemponchikta qechuwanchikman hinaspam Dios serviyninchiktapas qepancharachiwanchikman. Yachasuntaqmi imaynatam harkakuchwan munasqallanchikman hina imatapas mana ruranapaq, yachasuntaqmi tukuy sonqonmanta Diosta serviq cristiano imayna kasqanmantapas. Domingo punchawpas achka discursokunam qawachiwasun iñiyninchik kallpanchasqa kananpaq, sapakama hinaspa familianchikwanpas imakuna ruranamanta, chaynapi imaymana sasachakuykunata atipanapaq. Arí, kay asambleaqa yanapawasunmi sonqonchikta waqaychanapaq, iñiyninchikta hinalla kallpanchananpaq hinaspa hamuq tiempopi bendicionkunata rikchan-rikchanlla suyananchikpaqpas.
3. ¿Haykapitaq kanqa iskay punchaw asambleayki, hinaspa imapaqmi tanteakunanchik?
3 Iskay punchaw asambleayki haykapi hinaspa maypi kananta yacharuspaykiqa, allinta tiempochakuy iskaynin punchaw chaypi kanaykipaq hinaspa yachachikuykunata atencionwan uyarinaykipaqpas. Jehová Diosqa bendecinmi ganaswan imatapas ruraqtaqa (Pro. 21:5).
4. ¿Imapaqtaq yanapawasun iskay punchaw asambleaqa?
4 Arí, Jehová Diosmi kay sumaq asambleataqa qowanchik. Allin yuyayniyoq confianza sirvientepa rurasqan yachachikuykunaqa, yanapawasunmi hinalla predicayninchikpi kallpanchakunapaq. Jehová Diostamá agradecekunchik kuyakuyninpi tukuy qowasqanchikmanta, kaykunam yanapawanchik mana hukmanyaspa suyakuyninchikmanta hinalla willakunanchikpaq (Heb. 10:23-25; Sant. 1:17).