Sapa punchawyá Jehová Diosta alabasun
1. ¿Imapaqtaq Diosta serviqkunaqa kallpanchasqa kachkanchik, hinaspa imanasqa?
1 Rey Davidmi Jehová Diosta nirqa: ‘Sapa punchawmi alabasqayki, wiña-wiñaypaq’, nispa (Sal. 145:2, 7, 21). Ñoqanchikpaqpas achka razonkunam kan sapa punchaw Jehová Diosta alabananchikpaq (Sal. 37:10; 145:14, 18; 2 Ped. 3:13).
2. ¿Imaynatam wasinchikpi sapa punchaw Jehová Diosta alabachwan?
2 Wasinchikpi: Kapuwanchikmi achka qellqanchikkuna, chaynapi Examinando nisqa folletota leespa, Familiawan Diosta Yupaychaspa chaynataq huñunakuykunapaq preparakuspa sumaq rimaykunawan kallpanchanakunanchikpaq. Achka familiakunam sapa punchaw huk kutillatapas kuska mikunku, hinaspam hawkalla parlarinku, chaynapim rimasqankuwan Jehová Diosta alabanku. Allinmi kanman kallpanchakuq rimaykunamanta tayta-mamakunapa parlay qallariyninkuqa, kaykunam yanapanqa Jehová Diospa “yachachikuyninman hina” wawa-churinkuta uywanankupaq (Efe. 6:4; Deu. 6:5-7).
3. ¿Ima ruraytam atichwan iñiqmasinchikkunawan kaspa?
3 Iñiqmasinchikkunawan: Predicacionpipas hinaspa huñunakuypipas atichwanmi iñiqmasinchikkunawan kuska Jehová Dios alabaytaqa (Pro. 15:30; Fili. 4:8; Heb. 13:15). Iñiqmasinchikkunawan huk sonqolla Jehová Diosta kuyasqanchikraykum, Dios agradecekusqanchikta rimayninchik qawachinan (Sal. 106:1).
4. Wasin-wasin predicayta mana atispapas, ¿atichwanchu Jehová Dios alabayta?
4 Mana iñiq runakunawan: Wasin-wasin sapa punchaw predicayta mana atispapas, atichwanmi Jehová Diosmanta chaynataq munayninkunamanta pisillapipas willayta llamkaqmasinchikkunaman, estudiaqmasinchikkunaman otaq pimanpas, chaynapi suyakuyniyoq kanankupaq (Sal. 27:14; 1 Ped. 3:15). Huk paninchikmi avionpi richkaspan huk warmiman predicarqa; chay warmi kallpanchasqa sientikuspanmi hinalla rimanankupaq direccionnintawan telefononpa numeronta qorqa. Runakuna sapa punchaw mana allin ruraykunawan sasachakuptinkupas, Jehová Diospa llaqtanqa hinallam ‘allin noticiata willakuchkan’ pipas uyariy munaqkunaman. Kay willakuywanmi suyakuyniyoq kanku hinaspam Jehová Diosta alabayta munanku (Isa. 52:7; Rom. 15:11).
5. ¿Imanasqataq munanchik Jehová Dios alabayta?
5 ¡Maynatachá Jehová Diosqa kusikun serviqninkuna sapa punchaw paymanta willakusqankuwanqa! Tukuy ima unanchasqankuna sapa punchaw alabasqankuman hinam, ñoqanchikpas sapa punchaw Jehová Diostaqa alabachwan wasinchikpipas, huñunakuypipas chaynataq mana iñiq runakunawan rimaspanchikpas (Sal. 19:1-4).