Manam anchatachu predicani
1. ¿Imataq cristianota hukmanyachinman?
1 Wakinpiqa piensanchikmi tukuy atisqanchikman hina Diosta mana servisqanchikta. Ichapas yuyaqyasqaykirayku otaq familiaykipi achka rurayniyoq kasqaykirayku hukmanyasqa tarikunki munasqaykiman hina mana predicayta atispayki. Kimsa wawayoq huk paninchikmi wakinpiqa hukmanyasqa tarikun predicananpaq mana ancha tiempoyoq kasqanrayku. Chayna tarikuspaqa ama llumpaytaqa hukmanyaychu. ¿Imanasqa?
2. ¿Imatam Jehová Diosqa mañawanchik?
2 Imatam Jehová Dios mañawanchik. Llapallanchikmi munanchik tukuy sonqowan Jehová Dios serviyta. Ichaqa yuyarinanchikmi, imatapas rurayta munaspaqa wakinpiqa manam lliwtaqa rurayta atisunchu. Chaywanpas chayna munasqanchikqa qawachinmi astawan llamkay munasqanchikta. Chaymantapas Jehová Diosqa yachanmi imayna tarikusqanchikta, payqa manam mañawanchikchu mana atisqanchiktaqa (Sal. 103:13, 14). Hinaptinqa, ¿imatam mañawanchik? Payqa munanmi tukuy sonqonchikwan atisqanchikman hina servinanchikta (Col. 3:23).
3. ¿Imaynatam yachachwan Dios serviyninchikpi hayka ruray atisqanchikta?
3 ¿Imaynatam yachanchikman hayka ruray atisqanchikta? Chaypaqqa Jehová Diostam mañakunanchik chaynapi cheqaptapuni imayna tarikusqanchikta qawakunapaq (Sal. 26:2). Chaymantapas yanapawanchikmanmi congregacionpi confiasqanchik amistadkuna, paykunaqa allinta reqsiwaspanchikmi imapi astawan llamkanamanta niwanchikman (Pro. 27:9). Yuyariytaq, tiempopa risqanman hinam imayna tarikusqanchikqa mana chaynallachu kanqa, chaymi allin kanman sapa kuti qawakuyninchik (Efe. 5:10).
4. ¿Imaynatam qawananchik predicanapaq yuyarichiykunata?
4 Imaynatam qawananchik yuyarichiykunata. Kallpaqkunata qawaqkunaqa qaparispankum kallpanchanku ganananpaq munasqankuta. Chaytam ruranku ganananta munaspanku, manam hukmanyachinankupaqchu. Ñoqanchiktapas huñunakuykunapi hinaspa qellqanchikkunapipas niwanchikmi ‘Diospa palabranta willakunapaq’, ichaqa chaytam niwanchik kallpanchayta munawaspanchik, manam pisilla rurasqanchikmanta qaqchawananchikpaqchu (2 Tim. 4:2). Chaynaqa, atisqanchikman hina tukuy sonqowan Jehová Diosta serviptinchikqa, payqa yuyarinqam kuyakuywan paypaq llamkasqanchikta (Heb. 6:10).