Diosqa yanapawanchikmi rurayninchikta cumplinapaq
1. ¿Imaynatam Diosqa yanapan serviqninkunata ima ruranankupaqpas kamachispanqa?
1 Serviqninkunata ima rurananpaqpas Jehová Dios kamachispanqa imayna ruranankupaqmi nin. Ejemplopaq, Noeytam kamachirqa buqueta rurananpaq ichaqa imaynata rurananpaqmi nirqa (Gen. 6:14-16). Moisesmi ovejakuna michiq karqa chayna kaptinpas Diosmi kamachirqa Israel casta ancianokunapa hinaspa Faraonpa qayllanpi rimananpaq ichaqa Jehová Diosmi nirqa, “ñoqam rimachiqniki kasaq, ñoqataqmi yachachisqayki imam rimanaykitapas” nispa (Exo. 4:12). Kay tiempopipas yanapawanchikmi allin noticiamanta willakunapaq. Chayta cumplinapaqmi yanapawanchik Diosmanta Yachachinapaq Escuela hinaspa Diosta Servinapaq Huñunakuy. ¿Imaynatam kay yanapakuykunata allinta servichikuchwan?
2. ¿Imaynatam yanapachikuchwan Diosmanta Yachachinapaq Escuelawan?
2 Diosmanta Yachachinapaq Escuela. Kay huñunakuypaq tupaq yachachikuykunata tiempowan sapa semana estudiay. Chayta ruraspaqa allin yachachiqmi kanki escuelapi kaqkuna discurso imayna rurasqankuta qawaspayki (Pro. 27:17). Chaymantapas Benefíciese libroykita apay hinaspa qellqanaykipaq servichikuy. Sapa discurso qoq imayna yachachisqanmanta escuelata dirigeq, libropa nisqanman hina rimaptinqa servichikunaykipaq kaqkunata señalay hinaspa yuraq kaq patankunapi qellqay. Chay escuelapi yachachikuykunataqa astawan allintaraqmi servichikuwaq kikiki ruraspaqa. ¿Ñachu matriculasqaña kachkanki? Discurso qonaykipaq tupasuptikiqa allinta preparakuy consejasusqaykikunata kasukuspa hinaspa chaypi yachasqaykita predicacionpi servichikuy.
3. ¿Imaynatam yanapachikuchwan Diosta Servinapaq Huñunakuywan?
3 Diosta Servinapaq Huñunakuy. Chay huñunakuypi yachachikuykunata mana qonqanapaqqa allintam preparakuna chayman hina rimarinapaq. Pisillatataqmi rimana hukkunapas rimarinankupaq. Demostracionkunata atencionwan uyarispa predicacionpi chayta servichikuy. Diospaq Llamkayninchik qellqapi yanapakuykuna lloqsimuptinqa waqaychay predicacionpi servichikunaykipaq.
4. ¿Imanasqataq Diospa qowasqanchik yanapakuykunata allintapuni servichikuna?
4 Imaynam Noeyman hinaspa Moisesman kamachisqanpas sasa karqa chaynam enteron Pachapi allin noticiamanta willakunanchikpaq kamachiwasqanchikpas (Mat. 24:14). Chayna kaptinpas Diospi confiaspaqa atisunmi niwasqanchik ruwayta, payqa allin Yachachiqninchikmi chaymi yanapachikunanchik qowasqanchikkunawan (Isa. 30:20).