Imaynatawanmi servichikuchwan Diospa Gobiernonpaq kaq takikunata

Jehová Diosmi takikunata qowarqanchik sumaq regalota hina (Sant. 1:17). Chaymi achka congregacionkunapiqa churanku Diospa Gobiernonpaq kaq takikunata huñunakuy manaraq qallarichkaptin hinaspa tukuynintapas. Salonman chayaptinchik takikuna uyarisqanchikmi hawkayachiwanchik hinaspa Jehová Diosta yupaychanapaq yanapawanchik. Chaymantapas mosoq takinchikkunata uyarisqanchikmi yanapawasun umanchikpi takyachinapaq hinaspa aswan allinta takinanchikpaqpas. Huñunakuy tukuytapas, takinchikkunaqa yanapakunmi parlananchikpaq hinaspa kallpanchanakunapaqpas. Chaymi congregacionpi ancianokunaqa tanteananku Cantemos a Jehová (acompañamiento de piano) nisqa takita huñunakuy manaraq qallarichkaptin hinaspa tukuytapas churanankupaq. Tanteanankutaqmi iñiqmasinchikkunapa parlasqankuta mana sasachananpaqpas.