Mana ancha chaninniyoq iskay qollqechakuna

Diospa Gobiernonmanta willakuy enteron pachapi apakunanpaqqa yanapachwanmi qollqenchikwan. Ichaqa, ¿imaynatataq yanapachwan mana ancha qollqenchik kaptinpas?

Huk kutipim Jesus rikururqa ofrendakuna churananku baulman huk viuda mana ancha chaninniyoq iskay qollqechakuna churachkaqta. Payqa Jehová Diosta kuyasqanraykum “wakcha kayninpi mantienekunanpaq kaqta llapallanta” churaykurqa (Mar. 12:41-44). Paypi Jesuspa cuentata qokusqanmi sutillata qawachin chay rurasqan Jehová Diospaq ancha chaninniyoq kasqanta. Punta pachak watapi cristianokunapa rurasqankupas qatipakunanchikpaqqa ancha allinmi. Paykunaqa wakcha otaq apu kaspapas favorecesqam sientekuqku qollqenkuwan yanapaspanku. Macedoniapi kaq iñiqkunamanta rimaspanmi Pabloqa nirqa “ancha wakcha kachkaspankupas” qollqenkuwan yanapakunankupaq anchata ruegakusqankumanta (2 Cor. 8:1-4).

Chaynaqa, mana ancha chaninniyoq iskay qollqechallawan yanapakuspapas amayá qonqasunchikchu llapallanchikmanta achka qollqe huñukusqantaqa. Sonqomanta qospaqa Taytanchiktam kusichinchik, payqariki “kuyan kusikuywan qoqtam” (2 Cor. 9:7).