Dios nos habla mediante Jeremías
1. ¿Ima qellqatam 2010 watapi kimsa punchaw asambleapi chaskirqanchik?
1 ¡Ancha kusisqamá tarikurqanchik 2010 watapi “Amayá Diosmantaqa karunchakusunchu” niq kimsa punchaw asambleapi Dios nos habla mediante Jeremías sutiyoq librota chaskispanchikqa! Kay libroqa horqosqa kachkan Bibliapi kaq Lamentaciones chaynataq Jeremias sutiyoq librokunamantam. Hinaspapas segurom kachkanchik cristiano vidanchikpi anchata yanapawananchikmanta (Rom. 15:4).
2. ¿Imanasqataq ancha allin Dios nos habla mediante Jeremías librota estudiayninchik?
2 Ancha allinmi kunan tiemponchikpaq. Diospa profetan Jeremiasmi Juda nacionpi sasachakuy tiempopi Diosmanta willakurqa, paymi qellqarqa Jeremias sutiyoq librota. Qallariypiqa mana atiqpaqmi hapikurqa Diospa nisqanta rurananpaqqa (Jer. 1:6). Chaymantapas, Anatot llaqtamasinkunapa qatikachasqanmi karqa, wakinninkuqa ichapas karqaku familian hinaspa reqsisqan runakuna (Jer. 11: 21-23). Chayraykuch wakinpiqa llumpayta hukmanyarqa (Jer. 20:14). ‘Llapallan nacionpi runakunaman willamunanchikpaq’ kamachikuyta cumplinanchikpaqqa Jeremias hinam sientekunchik sasachakuykunapi tarikuspanchik (Mat. 28:19). Paypa qellqasqankunamanta yachayninchikqa yanapawasunmi ganaswan hinaspa confianzawan predicananchikpaq.
3. ¿Imaynataq Dios nos habla mediante Jeremías libroqa?
3 Libropa imayna kasqanmanta. Leenapaq kaq textokunaqa rikurichkan waqtanpacham. Allinnin kaq yachachikuykunata yuyarinanchikpaqmi wakin parrafokunapa tukuyninpi yana letrachawan huk otaq iskay tapukuykuna kachkan. Kay librowan allinta yanapachikunanchikpaqmi sumaq dibujoyoqkuna kachkan.
4. ¿Imaynatam kay librowan allinta yanapachikuchwan?
4 Kay librowan allinta yanapachikunaykipaqqa vidaykipi chaynataq Dios servisqaykipi yanapasunaykipaq hina yachachikuykunatam maskanayki. Jehová Diospa yanapakuyninwanmi Jeremiasqa kusisqallaña hinaspa ganasllawanña willakurqa (Jer. 15:16). Ñoqanchikpas munanchikmi kay librota estudiaspanchik kusisqa predicayta.