Predicanapaq yanapakuykuna

Imaynatam mayo killapa punta kaq sabadonpi estudiota qallarichwan

“Jesucristo tukuy ima ruwasqanta hinaspa ancha reqsisqa kasqantam achka runakuna ninku. Ichaqa haykapipas tapukurqankichu, ¿imatam kunan ruwachkan nispayki?” [Kutichinanta suyay]. Chaymantañataq mayo-junio Willakuq revistapa 16 paginanpi yachachikuyta qawachiy hinaspa yachachiy punta kaq tapukuymanta hinaspa huk kaqnin textotapas. Revistakunata saqespa niy yapamanta watukuspa qatiqnin tapukuymanta yachachinaykipaq.

Willakuq Mayo-junio

“Yaqa lliw runakunam ima religionniyoqña kaspankupas Diosta haykapipas mañakurqaku. ¿Diosqa uyarinchu mañakusqanchikta, icha allin sientekunallanchikpaqchu mañakunchik? [Kutichinanta suyay.] Qaway Bibliapa ima nisqanta. [Leey 1 Juan 5:14.] Kay revistam willakuchkan imanasqa Diosta mañakuy allin kasqanmanta.”

¡Rikchariy! Mayo-junio

“Wakin runakunam wañuchikuyta munanku imapas sasachakuypi tarikusqankurayku. Chayna runakunaqa, ¿cheqaptapunichu wañuchikuyta munanku, icha sasachakuyninkuna chinkarachiyllatachu? [Kutichinanta suyay.] Bibliapa kayna nisqanmi achka runakunata yanaparqa suyakuyniyoq kanankupaq [Leey Apocalipsis 21:3, 4.] Kay revistapim kachkan kimsa yanapakuykuna achka sasachakuyniyoq kaspapas hinalla kawsakunapaq.”