Allinta yanapanapaq: rimayta qallariy maypipas predicanaykipaq

Imanasqataq ancha allin. Wasin-wasin predicaspanchikqa manam lliw runakunatachu wasinkupi tarinchik. Ichaqa tupanchikmi carropi, hospitalpi, llamkaypi, estudiasqanchikpi hinaspa maypipas. Jehova Diosqa munanmi lliw runakunaman paypa Gobiernonmanta willananchikta (1 Tim. 2:3, 4). Chaypaqqa, yaqa llapanpim rimayta qallarinanchik, chayta ruwaspam Diosmanta willayta atisun.

Imayna ruwanamanta:

Wakin iñiqmasinchikkunaqa manaraq piwanpas rimayta qallarichkaspankum, puntataqa qawarispanku asirinku. Chay runapas asiriptinqa hinaspa uyarinanpaq hina kaptinqa rimayta qallarinankupaqmi kallpanchakunku.
Rimayta manchakuspaykiqa Diosta sonqollaykipi mañakuy (Neh. 2:4; Hech. 4:29).
Ichapas rimakuykuspallayki rimayta qallariwaq. Jesusqa manam chayllachu Diospa Gobiernonmanta rimayta qallarirqa Samaria lawmanta warmiwanqa (Juan 4:7). Wakinpiqa runakunata kallpanchaspanchikmi rimayta qallarichwan, kaynata nispa: “Warmaykikunaqa hawkallam kasqaku”. Otaq tapuchwantaqmi: “¿Uyarirqankichu qayna punchaw noticiata?”, nispa.
Rimayta qallaykuspaykiqa Diosmanta willanaykipaqmi kallpanchakunayki, ichaqa pisi-pisimanta. Ichapas tapusunaykipaq hina rimapayawaq. Familiamanta rimaspaykichikqa, kaynatam niwaq: “Warmakunata imayna uywanapaq huk sumaq consejotam leerqani”, nispa. Ima noticiakunamantapas rimaspaykiñataqmi kaynata niwaq: “Qayninpa allin noticiamanta leesqaymi kusikunapaq karqa”, nispa. Ama hukmanyaychu manaraq Diosmanta willakuchkaptiki rimasqaykichik tukuruptinqa.
Diosmanta yachay munaq runakunaman qonaykipaq tratadokunata otaq huk qellqanchikkunatapas apay.

Kayta ruway huk killapuni:

Sapa semana kallpanchakuy rimayta qallarispayki Diosmanta willakunaykipaq.