Predicanapaq yanapakuykuna

¿Pitaq otaq imataq yanapasunkiman tapukuynikimanta yachanaykipaq?

Kay tapukuyta qawachinaykipaq tratadota qoy hinaspa niy: “Imaynallam, enteron allpa Pachapim kay qellqata aypuchkaniku. Kaymi qampaq”, nispa.

Runakunata wasinkupi mana tarispaykiqa, mana llumpayta pataraspaykim ukuniqpi saqenayki.

Runakuna tratadomanta hinalla yachayta munaptinkuqa otaq hinalla rimayta munaptinkuqa, tapuwaqmi tratadopa qallariyninpi tapukuykunata. Tratadota kichaspayki qawachiy Salmo 119:144, 160 nisqanta. Willaytaq Bibliamanta tapukuyninkunata Internetpi maskanankupaq. Tiempon kaptinqa, ichapas qawachiwaq ¿Imanasqataq Bibliata estudiana? niq videota. Manaraq pasakuchkaspayki, qawachiy tratadopa tukuynin paginapi kimsa tapukuykunata hinaspa tapuy mayqenmanta yachay munasqanta. Niytaq wasinman kutispayki Bibliamanta tapukuyninta tarinanpaq jw.org/quy nisqawan yachachinaykipaq. Kutispaykiñataq, tapukuyninmanta qawachiy kayna niqpi QELLQAKUNA > LIBROKUNA & FOLLETOKUNA.

Kimsa punchaw asambleapaq invitaciontawan kuskata aypuspaykiqa, kaynatam niwaq: “Munaymantaqmi huk invitaciontawan saqeyta, kay hamuq punchawkunallapim huk huñunakuy kanqa mana qollqellapaq”, nispa.

Willakuq Julio-agosto

Semana tukuyta, atikuptinqa kaynata nispa Willakuq revistata qoy: “Kay killapi lloqsimuq Willakuq revistatawan saqesqayki. 11 paginanpim kay tapukuymanta rimachkan: ‘¿Pitaq runakunapa sasachakuyninta allichanqa?’”.

¡Rikchariy! Julio-agosto

Semana tukuyta, atikuptinqa kaynata nispa ¡Rikchariy! revistata qoy: “Kay killapi lloqsimuq ¡Rikchariy! revistatawan saqesqayki. 10 paginanpim kay tapukuymanta rimachkan: ‘¿Maypitaq wañuqkunaqa kachkanku?’”.