Pachak watañam Diospa Gobiernonmanta willachkanchik
1. Yaqa pachak wata ñawpaqta, ¿ima ruwanankupaqmi Diospa llaqtanpi kaqkuna kallpanchasqa karqaku?
1 Yaqa pachak wata ñawpaqtaraqmi iñiqmasinchik Rutherford Diospa llaqtanta kallpancharqa Diospa Gobiernonmanta enteron Pachapi willanankupaq, nirqam: “¡Qawaychik, Reyqa kamachichkanñam! Qamkunam kankichik willakuqninkuna. Chaynaqa willakuychik, willakuychik, willakuychik Reymantawan gobiernonmanta”, nispa. ¡Nisqanman hinamá ruwakurqa! Punta pachak watapi cristianokuna hinam Jehova Diospa Gobiernonmanta willachkanchik “kay pachapi llapallan” runakunaman (Col. 1:23). ¿Imatam pasaq pachak watakunapi ruwarqanchik Diospa Gobiernonmanta willakunapaq? Kamachiy qallarisqanmanta pachak wata cumplikuynin asuykamusqanman hina, ¿imaynatam hinalla willakuchwan?
2. ¿Imamantam willan revistanchikkuna?
2 Ñawpaqpi imayna predicasqanchikmanta. Qellqanchikkunaqa unay watakunañam Diospa Gobiernonmanta willakun. 1939 watamanta aswan aypusqanchik revistam sutichakun Jehova Diospa Gobiernonmanta Willakuq nisqawan. Kay revistapim lloqsimun Diospa Gobiernonmantawan imakuna ruwananmanta yachachikuykuna. ¡Rikchariy! revistanchikpas willanmi imaynata Diospa Gobiernon runakunapa sasachakuyninta tukuchinanmanta. Kay revistakuna achka rimaykunapi tikrasqa hinaspa enteron allpapi qosqa kasqanmi anchata kusichiwanchik (Apoc. 14:6).
3. ¿Imakunatam servichikurqanchik Diospa Gobiernonmanta willanapaq?
3 Diospa Gobiernonmanta willakunankupaqmi cristianokunaqa qallariyninpi servichikurqaku: parlanteyoq carrokunata, radiokunata hinaspa tocadiscokunatapas. Chay tiempopi aslla predicaqkuna kasqanraykum chaykuna servichikusqanku ancha allin karqa, chaynapi achka runakunaman Diospa Gobiernonmanta willanankupaq (Sal. 19:4). Wakin nacionkunapim mana saqewanchikchu Diosmanta yachachinanchikta. Chaymi Internetpi jw.org nisqa millonnintin runakunata yanapachkan.
4. ¿Imaynata willanapaqmi qaynakunalla tanteasqa karqa?
4 Jehova Diospa llaqtanqa tantearqataqmi Diospa Gobiernonmanta tukuy lawpi willakunapaq. Wasin-wasin predicachkaptinchikpas 1995 watapim tanteakurqa parquekunapi, carrokunapa sayananpi hinaspa mercadokunapipas predicanapaq. Qaynakunallam, enteron allpa Pachapi iñiqmasinchikkuna mesakunapi qellqanchikkunata churaspanku achka runakunapa kasqan lawkunapi predicachkanku. Chayna kaptinpas wasin-wasin predicasqanchikmi puntapi kachkan (Hech. 20:20).
5. ¿Ima ruwaytam atisun septiembre killapi?
5 Kunan imayna predicanamanta. Septiembre killamantaqa achkam precursor regular kayta qallaykunqaku. ¿Qampas atiwaqchu precursor kayta? Mana chayna kaptinqa ¿atiwaqchu tiempoykipa kasqanpi precursor auxiliar kayta? Chay ruwayta mana atiptikipas Diospa Gobiernonmanta astawan willaypi kallpanchakusqaykitam Jehova Dios bendecinqa (Mal. 3:10).
6. ¿Imanasqam kay watapi octubre killaqa mana qonqanapaq hina kanqa?
6 Diospa Gobiernon kamachiy qallarisqanmantam pachak wataña kanqa 2014 octubre killapi. Chaymi runakunaman qosqanchik Willakuq noviembre-diciembre revista Diospa Gobiernonmanta rimanqa. Kallpanchakusunyá chay revistata lliwman aypunanchikpaq. Chaynaqa hinallayá Diospa Gobiernonmanta lliw uyariy munaqkunaman willasun (Hech. 8:12).