Kallpanchanakusunyá allin kaqkunata ruwanapaq

Hebreos 10:24 nin: ‘Ama qunqaruspayá kuyanakunapaq hinaspa allin ruwanapaq yanapanakusunchik’, nispa. Iñiqmasinchikkunataqa kallpanchachwanmi ñuqanchikraq imatapas puntata ruwaspanchik. Chaymi Diosmanta willakuspanchikqa imakuna pasawasqanchikmanta paykunaman willananchik hinaspa kusisqa kasqanchiktapas qawachinanchik. Ichaqa manam ñuqanchikmanqa nitaq hukkunamanpas tupachinanchikchu (Gal. 6:4). Ama sientechinakuspalla kallpanchanakusun ‘kuyanakunapaq hinaspa allin ruwaq kanapaq’ (qaway Escuelawan Yanapachikuy niq librota pag. 158 § 4). Iñiqmasinchikkunata kapuqninchikwan hinaspa Diosmanta willakusqanchikwan kallpanchaptinchikqa sunqumantam paykunapas kallpanchakunqaku (2 Cor. 1:24).