Diosmanta yachachinapaq yanapakuykuna
1. ¿Imapim Dios serviqkunaqa manka ruwaqkunaman hinaspa huk llamkaqkunamanpas rikchakun?
1 Mankakunata ruwaqkunapa, carpinterokunapa hinaspa adobe chutaqkunapam achka herramientanku kan. Chaypi llamkaqkunaqa allin yanapaqnin hinaspa allin servichikusqan herramientankutam maymanpas apanku. Bibliam kallpanchawanchik Diosmanta willakuyninchikpi astawan kallpanchakunapaq. Kallpanchawanchiktaqmi mana imamantapas pinqakuspa “allin llamkaq” kananchikpaq (2 Tim. 2:15). ¿Ima herramientanchiktaq ñuqanchikpaqqa aswan chaninniyuq? Bibliam. Chaywanmi runakuna Jesusta qatipakunankupaq yanapanchik (Mat. 28:19, 20). Chaymi anchata kallpanchakunanchik ‘Diospa chiqap palabranta allinta yachachinapaq’. Kallpanchakunanchiktaqmi huk yanapakuykunawanpas allinta runakunaman yachachinapaq (Prov. 22:29).
2. ¿Imakunataq yanapawachwan bibliamanta runakunaman yachachinapaq?
2 Yachachinapaq qillqakuna. Biblia kapuwaptinchikpas ¿ima yanapakuykunaraqmi kan yanapachikunanchikpaq? ¿Imatapunim Bibliaqa yachachin? niq qillqatam astawan servichikunchik runakunaman bibliamanta yachachinapaq. Chay qillqata tukuruspañam ‘Diospa kuyakuyninpiyá takyasunchik’ niq qillqata servichikunchik, kayqa bibliamanta yachaq runatam yanapan kawsakuyninpi tukuy yachasqanta ruwayman churananpaq. Chayraykum kay qillqakunata allinta riqsispa yachachinapaq kallpanchakunanchik. Yanapachikunanchikpaq qillqanchikkunapipas kananmi Diosmanta allin noticiakuna niq qillqa, kayqa yanapakunmi chayllaraq bibliamanta yachachinapaq. Sichu Diosmanta willakusqanchik lawpi runakuna leeyta mana yachaptinkuqa utaq rimayninpi qillqanchikkuna mana kaptinqa, yanapachikuchwanmi Diosta uyariy utaq Diosta uyariy hinaspa wiñaypaq kawsay niq qillqanchikkunawan. ¿Pikunataq Jehova Diospa munayninta kay tiempopi rurachkan? niq qillqapas allinmi, kaymi biblia estudiaqta yanapan Diospa llaqtan imayna kasqanmanta yachananpaq. Videokunapas ancha allinmi Diosmanta willakunanchikpaq chayraykum allinta servichikunanchik. Wakinmi ¿Imanasqataq Bibliata estudiana?, ¿Imaynataq huñunakuyniykuqa?, ¿Kanmanchu Diospa sutin? niqkuna.
3. ¿Imatam yachasunchik qatiqnin killakunapi lluqsimuq Diospaq Llamkayninchikpi?
3 Qatiqnin killakunapi lluqsimuq Diospaq Llamkayninchikpim yachachiwasun yanapawaqninchik qillqakunata allinta servichikunapaq. Allinta servichikunapaq kallpanchakuptinchikqa bibliapa kayna nisqantam kasukuchkanchik: ‘Chaynaqa cuidakuspayá allinta yachachiy. Chaynata ruwaspaykiqa mana allinkunamantam salvakunki, salvankitaqmi uyarisuqnikikunatapas’, niqta (1 Tim. 4:16).