Diosmanta allin noticiakuna niq qillqawan allinta yachachinapaq
1. ¿Imapaqtaq ruwasqa kachkan Diosmanta allin noticiakuna niq qillqaqa?
1 Julio killapaq Diospaq llamkayninchik qillqapi yachamusqanchikman hinam Diosmanta allin noticiakuna niq qillqata servichikunanchik runakunaman Jehova Diosmanta yachachinapaq. Chay qillqapi textokuna rikuriptinpas manam kanchu ima nisqanqa, chayna ruwasqa kasqanqa biblia estudiaqtam kallpanchan bibliapi maskaspan leeynanpaq. Yaqa lliw qillqanchikkunam ruwasqa kachkan chaskiwaqninchikkuna leespallanku entiendenankupaq. Diosmanta allin noticiakuna niq qillqam ichaqa ruwasqa kachkan chaywan yanapachikuspa Diosmanta yachachinanpaq. Chaymi pimanpas chay qillqata quspaqa kallpanchakunanchik chaywan bibliata imayna estudiananpaq kasqanta qawachinapaq, chaynata ruwaptinchikqa kusikuywanmi Diosmanta yachayta munanqaku (Mat. 13:44).
2. ¿Imaynatam munachichwan Diosmanta allin noticiakuna niq qillqata?
2 ¿Imaynatam munachichwan? Ichapas niwaq: “Yaqa lliw runakunam hukmanyasqallaña tarikunku kay pachapi tukuy mana allinkuna astawan kasqanrayku. Qam ima niwaqtaq, ¿yaqachu pipas atinman tukuy mana allinkuna chinkachiyta? [Ima nisusqaykita uyariy]. Ichaqa bibliapim nin tukuy mana allinkunata Dios chinkachinanmanta. Chaymanta yachanaykipaqmi kay qillqa yanapasunkiman”, nispa. Qillqata quykuspa tukupay qaranpi kaq yachachikuykunata qawachiy mayqinmanta yachay munasqanta akllakunanpaq. Chayman hina punta kaq parrafonta leespa yachachiy biblia imayna estudianapaq kasqanta yachananpaq. Utaqmi kikiki akllaspa mayqin yachachikuymantapas yachachiwaq. Chay yachachikuy utaq akllasqan yachachikuy jw.org nisqanpi mayqin videowanpas tupaptinqa qawachiwaqmi.
3. Imaynata chay qillqawan yachachinamanta rimarimuy.
3 ¿Imaynatam yachachichwan? Imamanta yachachisqaykita entiendenanpaq puntata yana letrawan kaq tapukuyta leepuy. Hinaspa, parrafota leepuy. Chaymantañataq, leenapaq kaq textokunata bibliapi leerapuspa tanteasqaykiman hina tapuy. Iskay parrafoyuq kaptinqa hina chaynallata ruway. Yachachisqaykiwan tupaq viodeota manaraq qawachispaqa chaytapas qawachiwaqmi. Hinaspañataq, entiendesqanmanta yachanaykipaq kaqmanta tapuy yana letrawan tapukuyta.
4. ¿Imataq yanapawasun chay qillqanchikta allinta servichikunapaq?
4 Chay qillqanchikmanta allinta yachaykuy, hinaspa kallpanchakuy servichikunaykipaq. Yachachinaykipaq manaraq richkaspa piensariy bibliapi nisqankunata imaynata allinta entiendechinaykipaq (Prov. 15:28; Hech. 17:2, 3). Chay qillqanchik imayna servichikunapaq kasqanmanta allinta yachaspaykiqa, sumaqtam servichikunki Jehova Diosmanta hukkunaman yachachinaykipaq.