Allinta yachachinapaqqa kikinchikraqmi yachananchik

Wiñaypaq kawsakuymantam Jesusta iskay kutipi tapurqaku. Payqa manam chaynallatachu iskaynin kutipi willarqa, aswanqa yachayta munasqankuman hinam (Luc. 10:25-28; 18:18-20). Ñuqanchikpas Jesustam qatipakunanchik, chaymi imamanta yachachinanchikpaq kaqta yachaspapas sapa runapaq allinta preparakunanchik. Allinmi kanman sunqunchikpi kaynata tapukuyninchik: “Yachachisqay runaqa, ¿mayqin yachachikuymanta entiendenanpaqtaq sasachakun? ¿Mayqin textotataq leepuyman? ¿Hayka parrafotataq estudiachiyman?”, nispa. Tanteachwantaqmi imata nispa, ima rikchanachiykunawan, ima tapukuykunawan yachachisqanchikta astawan entiendechinapaqpas. Chaypaqmi Jehova Diosta mañakunanchik yachachisqanchik runata chaynataq kikinchiktapas kallpanchakusqanchikman hina yanapawananchikpaq. ¿Imanasqa? Muhuta wiñachichkaq hina runakunata yachanankupaq Jehova Dios yanapasqanraykum (1 Cor. 3:6; Sant. 1:5).