¿Yanapachikuchkankiñachu JW Library nisqawan?

JW Library nisqaqa yanapasunkim internetmanta bibliakunata, videokunata hinaspa huk qillqakunatapas celularnikiman, tablet nisqaman utaq computadoraykimanpas churanaykipaq.

¿MAYPIM TARIWAQ? Internetman aparatoykiwan yaykuspayki Play Store, App Store utaq Windows Store nisqata aparatoykipi ñitiy hinaspa JW Library nisqata hurquy, chayta ruway aparatoyki imayna kasqanman hina, hinaspa ima munasqaykikunata hurquy. Wasikipi internetniki mana kaptinqa huñunakuna wasipi utaq internetpa maymi kasqanpipas aparatoykiwan internetman yaykuy. Tukuy imata internetmanta aparatoykiman churaruspaykiqa mana internetllawanñam qawawaq. Ichaqa JW Library nisqata ñataq-ñataq astawan allintaña ruwamusqankuraykum, huk tiempomanta yapamanta internetmanta hurqunayki.

¿IMANASQAM SERVICHIKUNA? JW Library nisqawanqa yanapachikuchwanmi sapallanchikpi estudiaspa, huñunakuypi hinaspa Diosmanta willakuspapas. Wakinqa Diosmanta maypiñapas willakunankupaqmi servichikuchkankuña.