¿Imaynatataq Diosqa ima ruwananta willawanchik?

Diosqa paymanta willakuqninkunawan hinaspa angelninkunawanmi tukuy ima ruwananmanta runakunaman willachirqa. Chaymantapas tukuy ima nisqantam qillqachirqa. Chay qillqachisqanpim willawanchik hamuq tiempopi kusisqa kawsakuyta atinanchikmanta.

Arí, Diosqa bibliapim tukuy ima nisqanta qillqachirqa (2 Timoteo 3:16). Ichaqa, ¿imaynataq chayqa karqa? Diosmi akllasqan runakunata atiyninwan yanaparqa piensasqanta qillqanankupaq (2 Pedro 1:21). Kaywan tupachisun: Qillqayta mana yachaq taytaqa churinwanmi cartata qillqachin. ¿Pipataq chay cartaqa? Taytapam, manam churinpachu paywan qillqachiptinpas. Chaynallataqmi bibliapas Diospa, manam runakunapachu paykunawan qillqachiptinpas.

BIBLIAQA ACHKA RIMAYKUNAPIM KACHKAN

Diosqa munanmi paymanta lliw runakuna yachanankuta. Chayraykum bibliaqa achka nacionkunapi hinaspa tukuy rikchaq rimaykunapi kachkan (Apocalipsis 14:6). Arí, bibliaqa kimsa waranqa masnin rimaykunapim ruwasqa kachkan, manam biblia hinaqa huk qillqaqa kanchu.