Diosqa anchatam kuyawanchik, munanmi allinlla kawsakunanchikta

1. DIOSQA INTITAM LLUQSICHIMUN

Inti sapa punchaw mana lluqsiptinqa manach imapas wiñanmanchu. Inti kasqanraykum sachakuna wiñan, waytakunapas waytarin hinaspa kawsaykunapas puqun. Inti kasqanraykutaqmi yakupas sachakunapa puntankama chayan.

2. DIOSQA PARACHIMUNMI

Diosqa kuyawasqanchikraykum parata quwanchik. Para kasqanraykum tukuy rikchaq kawsaykunapas wiñan, chayraykum mikunanchikpaqpas tukuy ima kapuwanchik chaynapi kusisqa kananchikpaq.

3. DIOSQA MIKUSQATA HINASPA PACHASQATAM UYWAWANCHIK

Sasa punchawkunapi kawsakusqanchikraykum wakin tayta-mamakunaqa sasachakunku churi-wawankuta allin mikusqata hinaspa allin pachasqata uywanankupaq. Bibliam ichaqa niwanchik: “Qawariychik alton pawaqkunata, paykunaqa manam tarpunkuchu nitaq cosechankuchu, manataqmi taqimanpas huñunkuchu. Ichaqa hanaq pachapi taytaykichikmi paykunataqa mikuchin. ¿Manachu qamkunaqa paykunamantapas astawan valenkichik?”, nispa (Mateo 6:25, 26).

“Qawaychiktaqyá waytakunapa imayna wiñasqanta. [...] Nikichikmi: Manam [kamachiq] Salomonpas llumpa-llumpay apu kachkaspanpas, huknin wayta hinallapas pachakurqachu. [...] Chaynaqa, purun waytakunatapas chaynata Dios pachachichkaspanqa, ¡astawanraqchiki qamkunataqa pachachisunkichik!”, nispa (Lucas 12:27, 28).

Arí, Diosta kasukunapaq kallpanchakuptinchikqa payqa yanapawasunmi llamkayta tarinanchikpaq, chaynapi ima pisipuwaqninchikta rantinanchikpaq. Diosqa mikusqa hinaspa pachasqa kananchikpaqmi yanapawanchik (Mateo 6:32, 33).

Inti lluqsimusqanta, urpikunapa waqasqanta, waytakuna waytarisqanta hinaspa paramusqanta qawasqanchikmi Diosta kuyananchikpaq kallpanchawanchik. Diosqa munanmi payta kuyananchikta. Qatiqninpim qawasunchik ñawpaq tiempopi runakunawan Dios imayna rimasqanta.