DIOSPAQ HINA KAWSANAPAQ
¿Imatam ruwana bibliamanta allinta yachanapaq?
¿Munawaqchu ima sasachakuypipas Daniel hina Diosman sunqu takyayta? Danielqa sumaqtam qatipaq hamuq punchawkunapaq sasa entiendena willakuykunata (Dn 9:2). ¿Imapim qamtapas yanapasunki bibliamanta astawan yachaynikiqa? Yanapasunkim Jehova Diospa tukuy ima nisqanqa cumplikunanmanta mana iskayrayanaykipaq (Jos 23:14). Chaymantapas, Jehova Diostam astawan kuyanki, chaymi kallpanchasunki allin kaqkunata ruwanaykipaq (Sl 97:10). Qatiqninpim kachkan imaynata bibliamanta astawan yachanapaq yanapakuykuna.
¿Imamantam yachawaq? Bibliamanta astawan yachanaykipaqqa kallpanchakunaykim huñunakuypaq qillqanchikkunata estudianaykipaq. Sapa semana bibliata ñawinchasqanchikpi mana entiendesqayki kaqkunamanta yachaynikipas allinmi kanqa. Wakinqa hamuq tiempopaq willakuykunamanta, chuya espiritu imayna kawsachiwasqanchikmanta, apostol Pablopa illasqanmanta utaq Diospa unanchasqankunamanta astawan entiendenankupaqmi kallpanchakunku. Sichum ima tapukuymantapas mana yachaspaykiqa chaymanta yachanaykipaq kallpanchakuy, mana qunqarunaykipaqmi qillqawaq.
¿Maypim yachachikuykunata tariwaq? Maypi tarinaykipaqmi qawawaq, Bibliamanta astawan yachanapaq yanapakuykuna niq videota. Yachawaqmi Daniel qillqapa 7 capitulonpi kaq mancharikuypaq animalkuna ima nacionkunawan tupasqanmanta.
¿Hayka tiempotam rakiwaq? Iñiyninchikpi suni takyanapaqqa sapa kutim bibliata estudiana. Qallariwaqmi pisi tiempollata estudiaspa, chaymantaqa astawan tiempo estudianaykipaqmi tanteawaq. Biblia estudiayqa pakata hina maskaymi, imamantapas yacharuspaykiqa astawan yachaytam munanki (Pr 2:3-6). Chaynata ruwaspaykiqa astawanmi bibliata chaninchanki, manataqmi haykapipas biblia estudiaytaqa saqinkichu (1Pe 2:2).
¿IMA NACIONKUNAWANTAQ TUPAN DANIEL 7 CAPITULONPI MANCHARIKUYPAQ ANIMALKUNAQA?
TAPUKUY:
¿Imaynatam Daniel 7:8, 24 nisqan cumplikurqa?
KAY TAPUKUYMANTA YACHANAYKIPAQ KALLPANCHAKUY:
¿Imakunawantaq tupan Apocalipsis 13 capitulopi mancharikuypaq animalkunaqa?