DIOSPAQ HINA KAWSANAPAQ
Allinta yanapanapaq: JW.ORG nisqanta imayna servichikunamanta
¿IMANASQAM ANCHA ALLIN? Bibliamanta yachachinapaq qillqanchikkunaqa jw.org nisqanman runakuna yaykunanpaqpas kallpanchanmi. Aswanraqmi jw.org nisqanman yaykunapaq tarjetachaqa hinaspa ¿Pitaq otaq imataq yanapasunkiman tapukuynikimanta yachanaykipaq? niq taksa qillqanchikqa. Jw.org nisqantaqa servichikuchwantaqmi internetnintakama qillqanchikkunata apachinapaq. Chayqa ancha allinmi huk rimayniyuqkunamanpas Diosmanta yachachinapaq. Achkaqpiqa, runakunapa tapuwasqanchiktaqa manam qillqanchikkunapiqa tarinchikchu, ichaqa internetpi jw.org nisqanpim kutichiyninkunata tarichwan. Chaypaqqa yachananchikmi imayna servichikuyta.
¿IMAYNATAM RUWACHWAN?
Servichikuy “BIBLIAMANTA YACHACHIKUYKUNA” niqta. Warmanta imayna uywananmanta llakikuq taytata parlapayanaykipaqmi servichikuwaq BIBLIAMANTA YACHACHIKUYKUNA > AYLLUKUNAPAQ niqta.
Servichikuy “QILLQAKUNA” niqta. Sichum huk mozo utaq sipas estudiaqmasinman Mozo-sipaskunapa 10 tapukuykuna ruwakusqankumanta niq qillqata qawachiyta munaspanqa yaykunmanmi QILLQAKUNA > HUK QILLQAKUNA niqman.
Servichikuy “ÑUQAYKUMANTA” niqta. Sichum llamkaqmasinchikman imakunapi creesqanchikmanta willayta munaspaqa yaykusun ÑUQAYKUMANTA > TAPUKUYKUNA niqman.
JW.ORG NISQANTA IMAYNA SERVICHIKUNAMANTA, NIQ VIDEOTA QAWARUSPA YUYAYMANAY MAYQAN PARTENKUNATA QATIQNINPI SERVICHIKUNAYKIPAQ:
¿Mayqan partentataq servichikuwaq Diospi mana iñiqwan parlanaykipaq?
¿Mayqan partentataq servichikuwaq sasachakuyta pasaqkunawan rimanaykipaq?
¿Mayqan partentataq servichikuwaq chiriyasqa iñiqmasinchikta kallpanchanaykipaq?
¿Mayqan partentataq servichikuwaq ima qullqiwan imatapas ruwasqanchikmanta pipas tapusuptiki yachachinaykipaq?
¿Mayqan partentataq servichikuwaq nacionninman kutispa huñunakuyman riy munaq runata yanapanaykipaq?