Sasachakuypi tarikuq iñiqmasinchikkunataqa yanapananchikmi

8:1-4; 9:7

Jehova Diosta serviqkunapaqqa kaykunam ruwayninchik: 1) ‘Allinyanakuymantam willakunanchik’, chayqa Jehova Diosmanta willakuyninchik hinaspa yachachiyninchikmi. 2) Chaymantapas ‘Diospa runankunatam yanapananchik’, chaytaqa ruwanchik ima sasachakuypipas tarikuptinkum (2Co 5:18-20; 8:4). Chaynaqa, sasachakuypi tarikuq iñiqmasinchikkunata yanapayninchikqa Diosmanta willakuy hinam. Yanapasqanchik imanasqa ancha allin kasqanmanta yachasun.

• Yanapanchikmi imapas pisipuqninkuta quspa (2Co 9:12a).

• Yanapasqanchikraykum hinalla Jehova Dios serviyta atinku, chayqa kanmanmi Diosmanta willakuspa, chay ruwaypas Jehova Diosta agradecekuymi (2Co 9:12b).

• Yanapasqanchikqa Jehova Diosta hatunchanankupaqmi yanapan (2Co 9:13). Sasachakuypi tarikuq iñiqmasinchikkunata yanapaptinchikqa Jehova Diosmi hatunchasqa, runakunapas ñuqanchikmantam allintaña rimanku.