Jehova Diosqa limpio runakunatam kuyan

Tayta-mamakunam warmankuta yachachinku cuartonkuta allichanankupaq, makinkuta mayllakunankupaq, wasita pichakunankupaq, qupata wischunankupaq. Chaykunataqa yachachinku limpio kanankupaqmi. Jehova Diosqa astawanraqmi munan limpio kananchikta, chuya Dios kasqanrayku (Ex 30:18-20; Dt 23:14; 2Co 7:1). Cuerponchikpas hinaspa tukuy imanchikpas limpio kaptinqa Jehova Diosmi hatunchasqa kanqa (1Pe 1:14-16). Tapurikusun: ¿Imaynataq kachkan wasinchikqa hinaspa wasi punkunchikqa? Wakin runakunaqa parquepipas utaq maypipas qupankutam wischuykunku, Jehova Diosta serviqkunam ichaqa kallpanchakunchik allpa pachanchikta mana qachachanapaq (Sl 115:16; Ap 11:18). Manam chiclepa qarachantapas maymanpas wischuykunachu taksachalla kaptinpas, manachayqa manam limpio runachu kachkachwan. ‘Dios serviq kasqanchiktam’ imaña ruwasqanchikpas qawachinan (2Co 6:3, 4).

DIOSWAN KUYACHIKUNAPAQQA LIMPIOM KANANCHIK NIQ VIDEOTA QAWARUSPAYKI KAY TAPUKUYKUNAMANTA RIMARIY:

• ¿Imakunatam wakinqa ninku imankutapas mana limpianankupaq?

• Moisespa chaskisqan kamachikuykunapim limpio kaymanta riman, ¿imaynatam chayqa yanapawanchik Jehova Dios ima munasqanmanta yachanapaq?

• ¿Ima ruwasqanchikwantaq Jehova Diosta hatunchachwan?