Lliw runakunam huk rimayniyuqlla karqaku

11:1-4, 6-9

Babel llaqtapim mana kasukuq runakunapa rimayninta Jehova Dios pantanarachirqa, hinaptinmi chiqirurqaku. Chaywanpas, kunanqa tukuy rikchaq rimayniyuq runakunatam Jehova Diosqa llaqtanman pusamuchkan rimayninkuta ‘chuyanchananpaq’, huk rimaypiqa Diospa yachachisqanmi kachkanku. Chaynapi ‘huk sunqullaña servinankupaq’ (Sof 3:9; Ap 7:9). Sumaqtam yachachkanku Jehova Diosmanta hinaspa munayninmanta chiqap kaqta.

Huk rimayta yachayqa manam palabrakunata yuyayllachu, aswanqa yachasqanchik rimayta rimaq runakuna hinam piensana. Chaynallataqmi, Diosmanta imam kaqta yachaspapas manaña ñawpaqta hinañachu piensanchik (Ro 12:2). Chayta ruwanapaqqa hinallam kallpanchakunanchik, chaynapi huk sunqulla kanapaq (1Co 1:10).