Imaynatataq yanapachikuchwan ‘Runakunawan imaynata rimanapaq’ niqwan

‘Runakunawan imaynata rimanapaq’ niqmi Huñunakuypi yanapawaqninchik qillqapi 2018 watamanta rikurirqa. ¿Imaynatataq chaywan yanapachikuchwan?

Huñunakuypi puntaman lluqsispa. “Runakunawan imaynata rimanapaq” niqpi rikuriq tapukuyta hinaspa bibliapa nisqanta, chaynataq yapapi imamanta rimanapaq niqkunawan yanapachikuspam puntaman lluqsispaqa rimarinanchik. Kantaqmi chaymanta rimariq videopas, ichaqa manam chayna kaqllatachu puntaman lluqsispaqa ruwananchik, allinmi kanman yachasqanchik lawpi runakuna imayna kawsakusqankuman hina ruwayninchik. Quchwantaqmi huk kaqnin qillqanchiktapas tupawaqninchik kaqpi mana nichkaptinpas.

Diosmanta willakuspa. “Runakunawan imaynata rimanapaq” niqqa yanapawachwanmi Diosmanta willakusqanchikpi. Sichu rimasqanchik runa astawan yachayta munaptinqa “watukuspa” niqpi rikuriq yachachikuywan yanapachikuspam hinalla paywan parlachwan, utaqmi yachay munasqanmanta rimarichwan. Yanapachikuchwantaqmi huk killapi lluqsimuq “Runakunawan imaynata rimanapaq” niqtapas utaqmi rimarichwan yachasqanchik lawpi imakuna pasakusqanmanta. Tukuy kaykunawanmi yanapachikuchwan ‘sumaq willakuykunata llapa runakunaman willakunapaq’ (1Co 9:22, 23).