¿Imakunaraykutaq Israel runakunaqa Diosman ofrendata quqku?

1:3; 2:1, 12; 3:1

Moisesman qusqan kamachikuypim Jehova Diosqa Israel runakunata nirqa ofrendakunata utaq animalkunata wañuchispa qunankupaq. Israel runakunapa chay ruwayninkuqa Jehova Diostam anchata kusichiq, chay ofrendakunaqa tuparqataqmi Jesuspa wañukusqanwan (Heb 8:3-5; 9:9; 10:5-10).

• Imaynam Diospaq kañanankupaq animalkunaqa sano kananku karqa, yaqa chaynam Jesuspas mana pantaq hinaspa allinnin kaq carnero hina karqa (1Pe 1:18, 19).

• Kañanapaq ofrendaqa Diosllapaqmi karqa, yaqa chaynallatataqmi Jesuspas Diosllapaq kawsakurqa.

• Dioswan allinlla kanankupaq ofrenda quqkunaqa hawkam kaqku, chaynallatataqmi Jesuspa wañukusqan punchawpi tantatawan vinota tomaqkunaqa Dioswan allinlla kasqankuta qawachinku.