Tayta-mamakuna warmaykichikta yachachiychik

Kunanqa runakunaqa allin kaqtam mana allinpaq hapinku, mana allin kaqtañataqmi allinpaq hapinku (Is 5:20). Chaymi yaqa lliw runa Diospa chiqnisqan kaqkunata ruwanku, paykunapaqqa qaripuralla utaq warmipuralla kayqa allinpaqmi rikchakun. Chaymi warmachanchikkunataqa estudiaqmasinkuna hinaspa huk runakunapas ninmanku paykuna hina ruwanankupaq. Chaymi tayta-mamakuna ¿imaynatam warmachaykichikkunata yachachiwaqchik chay runakunapa mana pantachisqan kanankupaq?

Chaypaqqa Diospa kamachikuyninkunata yachachiychik (Le 18:3). Wiñasqankuman hinayá warmi-qari puñuymanta bibliapa ima nisqanta yachachiychik (Dt 6:7). Tapurikuychik: “¿Warmachayta nirqanichu pipas abrazaspanqa qari kaychanta utaq warmi kaychanta mana llachpananpaq? ¿Yachachirqanichu sumaqta pachakunanpaq? ¿Nirqanichu qalalla kaptinkuqa mana pipas qawananpaq? ¿Nirqanichu qalalla kaqkunata pipas qawachiyta munaptinqa ama qawanankupaq?”. Kaykunamanta yachaspankuqa manam sasachakuykunapiqa tarikunqakuchu (Pr 27:12; Ec 7:12). Warmanchikkunata yachachiptinchikqa Jehova Diosmi kusikun (Sl 127:3).

KALLPANCHAKUSUNYÁ ALLIN HATARICHISQA WASI HINA AYLLUNCHIKPAS KANANPAQ ‘MANA ALLINKUNAMANTA’ WARMANCHIKTA QAWASPA NIQ VIDEOTA QAWARUSPA, KAY TAPUKUYKUNAMANTA RIMARIY:

• 

  ¿Imanasqataq tayta-mamakunaqa warmi-qari puñuymanta warmankuwan mana rimankuchu?

• 

  ¿Imanasqataq tayta-mamakunaqa ‘Jehova Diospa kamachisqanman hina hinaspa yachachisqanman hina’ warmankuta uywananku? (Ef 6:4).

• 

  ¿Imakunatam Diospa llaqtanpi punta apaqkuna ruwarunku tayta-mamakunata yanapanankupaq? (w19.05 pag. 12).

• ¿Imanasqataq tayta-mamakunaqa warmankuta yachachinanku manaraq ima sasachakuymanpas chayachkaptinku?