DIOSPAQ HINA KAWSANAPAQ

Bibliamanta yachachinapaq Kusisqa kawsakunapaq niq musuq qillqanchikkuna

Kusikunapaqmi kay musuq libronchik hinaspa folletonchik lluqsimusqanqa. Kaykunawanñam bibliamanta yachachisunchik. Jehova Diostayá mañakusunchik yachachisqanchik runakuna payta servinankupaq (Mt 28:18-20; 1Co 3:6-9). ¿Imaynatam servichikuchwan?

Kay qillqanchikkunawanqa yachachisqanchik runam astawan rimanqa. Manam ñawpaqta hinañachu yachachisun. Aswanqa kay yachachikuykunaman hinam puntamanta kikinchikraq estudiananchik hinaspa chayman hina yachachinanchik:a

Sumaqta ñawinchay hinaspa tapukuykunamanta rimariy.
Ñawinchaychik ñawinchanapaq kaq textokunata hinaspa chay texto ima niy munasqanta sumaqta entiendechiy.
Qawachiy videota hinaspa tapuy libropi tapukuykuna rikuriqta.
Atispaykichikqa sapa yachachispayki huk yachachikuyta tukuychik.

Folletonchikta runakunaman qawachisunchik yachay munasqanta cuentata qukunapaq (qawaytaq “¿Imaynatam quchwan chayraq parlaspa Kusisqa kawsakunapaq niq folletota?” niq yachachikuyta, kayqa kachkan pag. 16). Folletonchikta estudiayta tukuruptinchik yachachisqanchik runa astawan yachayta munaptinqa libronchikpa 4 kaq yachachikuynintañam estudiayta qallaykuwaqchik. Sichum mayqan qillqanchikwanpas estudiachispaqa Kusisqa kawsakunapaq libronchikwanñam yachachinanchik. Qanmi tantianki ima yachachikuymanta qallarinaykipaq.

Hina chay casarasqa iñiqmasinchikkunallam rimapayasqanku runaman wasinpiña yachachichkanku. Yachachichkankuqa “Kusisqa kawsakunapaq” niq folletonchikwanmi.

BIBLIATA ESTUDIAYNINCHIKQA ALLINNINCHIKPAQMI NIQ VIDEOTA QAWARUSPA, KAY TAPUKUYKUNAMANTA RIMARIY:

¿Imatam yachanqaku yachachisqanchikkuna kay musuq libronchikmanta?
¿Imaynanpim qawachinanchik kay videonchikta chayllaraq yachaqkunaman?
¿Imata ruwananpaqmi kallpanchananchik? (Chaypaq qaway kay yachachikuyta: “Imamantam musyakunan chaynataq imata ruwananpaqmi kallpanchananchik sapa rakiyninpi”, niqta. Kayqa kachkan pag. 16).

a WILLAKUY: “Astawan yachanapaq” niq yachachikuytaqa qawawaqchikmi utaq manapas. Qanmi ichaqa allinta estudianayki. Chaynapim yachanki mayqan yachachikuy allinninpaq kasqanta. Tabletpi utaq celularpi chay libronchik kaptinqa chayllam videonkunatapas qawasun utaq huk yachachikuyninkunatapas.

IMAMANTAM MUSYAKUNAN CHAYNATAQ IMATA RUWANANPAQMI KALLPANCHANANCHIK SAPA RAKIYNINPI
	YACHACHIKUYKUNA	IMAMANTAM MUSYAKUNAN	IMATA RUWANANPAQMI KALLPANCHANANCHIK
1	1-12	Musyakunanmi imaynata biblia vidanchikpi yanapawasqanchikta chaynataq imaynata Diosta riqsinanmanta.	Kallpanchay bibliata ñawinchananpaq, libronta estudiananpaq chaynataq huñunakuyman rinanpaq.
2	13-33	Cuentatam qukunan imakunata ñuqanchikpaq Dios ruwasqanta chaynataq imayna yupaychanata munasqanta.	Kallpanchay bibliamanta yachasqankunata willakunanpaq chaynataq ñuqanchikwan kuska willakunanpaq.
3	34-47	Yachananmi imayna servinata Dios munasqanta.	Kallpanchay Diosllapaqña kawsakunanpaq hinaspa bautizakunanpaq.
4	48-60	Yachananmi Diospa kuyasqan hinalla kanapaq ima ruwanamanta.	Yachachiytaq allin utaq mana allin kasqanta riqsinanpaq chaynataq hinalla iñiyninpi ñawparinanpaq.