ALLIN YACHACHIQ KANAPAQ | ATICHWANMI DIOSMANTA KUSISQA WILLAKUYTAQA
Yachachisqanchik runamasinchikkunata yanapasunchik huñunakuykunaman rinankupaq
Huñunakuykunaman rispanchikqa Jehova Diostam alabanchik (Sl 22:22). Chaymi huñunakuykunaman rispaqa kusisqa hinaspa kallpanchasqa tarikunchik (Sl 65:4). Bibliamanta yachachisqanchik runamasinchikkunapas sapa kuti huñunakuyman rispankuqa iñiyninkupim astawan ñawparinqaku.
¿Imatataq ruwawaq bibliamanta yachachisqayki runakuna huñunakuyman rinanpaq? Sapa kutim invitanayki huñunakuyman. Qawachiwaqtaqmi ¿Imaynataq huñunakuyniykuqa? niq videotapas hinaspa niy imaynanpi huñunakuyman riy ancha allin kasqanmanta (lff 10 yachachikuy). Willawaqtaqmi huñunakuypi ima yachachikuy uyarisqaykita hinaspa qawan huñunakuypi ima yachachikuy kananmanta. Chaymantapas, huñunakuypi estudiasqaykichik qillqatam quwaq utaqmi JW Library® nisqapi “Reuniones” niqta qawachiwaq, niwaqtaqmi huñunakuyman kuska rinaykichikpaqpas. Bibliamanta yachachisqayki runa huñunakuyman riyta qallaykuptinqa cuentatam qukunki tukuy ima ruwasqayki mana yanqapaq kasqanta (1Co 14:24, 25).
YACHACHISQANCHIK RUNAMASINCHIKKUNATA YANAPASUNCHIK...HUÑUNAKUYKUNAMAN HAMUNANKUPAQ NIQ VIDEOTA QAWARUSPA, KAY TAPUKUYKUNAMANTA RIMARIY:
¿Ima nispantaq Ritaqa Mariata huñunakuyman rinanpaq invitarqa?
¿Imanasqataq ancha kusisqa tarikunchik bibliamanta estudiachisqanchik runa huñunakuyman riyta qallaykuptin?
“Chiqaptapunim Diosqa qamkunawan kachkan”
¿Imaynataq Maria tarikurqa chayllaraq huñunakuyman rispan?