DIOSPAQ HINA KAWSANAPAQ

¿Imatam ruwawaq qullqimanta sasachakuy tiempo chayamuptin?

¿Imanasqataq mana admirakunchikchu enteron pachapi tukuy imapas achka qullqipaq kasqanwan? Manam admirakunchikchu tukupay punchawkunapi kawsakusqanchikrayku hinaspa bibliapi ‘chinkaruqlla kapuqninchikkunapi ama hapipakunapaq’ niwasqanchikrayku (1Ti 6:17; 2Ti 3:1). ¿Imaynatataq yanapawachwan Jeosafatpa ruwasqankunamanta yachasqanchik, qullqimanta sasachakuy tiempo chayaramuptin preparasqa kanapaq?

Jeosafatpa enemigonkuna paywan peleaq riptinmi payqa Jehova Diospi hapipakurqa (2Cr 20:9-12). Chaymantapas Jeosafatqa llaqtakunapa murallantam pirqarachirqa hinaspa soldadokunatapas maypi kananpaq kamachirqa (2Cr 17:1, 2, 12, 13). Ñuqanchikpaqpas allinmi kanman Jehova Diospi hapipakuyninchik hinaspa manaraq sasachakuy tiempo chayamuchkaptin kunanmantapacha ima ruwanapaqpas allinta tantiayninchik.

¿IMATAM RUWACHWAN TUKUY IMAPAS ACHKA QULLQIPAQ KAPTIN?

Sasachakuy tiempopi hinalla Jehova Diosmanta yachanaykipaq alistakuy. Kunanmantapachayá kapuqllaykiwan kawsakunaykipaq kallpanchakuy hinaspapas amayá iskayrayaychu sapa punchawpaq necesitasqaykita Jehova Dios qusunaykimantaqa (Mt 6:26; 1Ti 6:8). Amayá imapas pisipususqaykiraykuqa Jehova Diospa kamachikuyninkunataqa qipancharuychu (Ro 2:21). Tantiaytaq luz mana kaptin utaq internet mana kaptin qillqanchikkunata imaynata leenaykipaq. Ichapas papelpi kaq qillqanchikkunata guardakuwaq utaq atispaqa celularnikipi qillqanchikkunata descargaruwaq.

Mikuyniki mana pisipusunaykipaq alistakuy. Manaraq sasachakuy tiempo chayamuchkaptinpas ama llumpaytaqa manukuychu niytaq yanqakunapiqa qullqichaykita gastaychu (Pr 22:7). Atikuptinqa mikuykunata hinaspa necesitasqaykikunatam huñuwaq. Wakin lawkunapiqa huertachayuq kaymi ancha allin qullqita mana llumpayta gastanapaq.

¿IMATAM RUWACHWAN LLUMPAY SASACHAKUY KAPTIN? SUTIYUQ VIDEOTA QAWARUSPA, KAY TAPUKUYKUNAMANTA RIMARIY:

“¿Imatam ruwachwan llumpay sasachakuy kaptin?” sutiyuq videopa dibujonkuna: Biblia, mochilawan celular hinaspa llamkaq runakuna.

¿Imaynatataq preparasqa kawaq qunqayllamanta sasachakuy kaptin?

textarea-1

“¿Imatam ruwachwan llumpay sasachakuy kaptin?” sutiyuq videopa dibujonkuna: Wakin iñiqmasinchikkunam sasachakuy kaptin wasi ruwaypi yanapakuchkanku wakinñataq camionmanta cajakuna bajachiypi.

¿Preparasqachu kachkanki hukkunata yanapanaykipaq? ¿Imaynatataq preparakuwaq?

textarea-2