Familiayki aswan kusisqa kananpaq yanapaytaqa atiwaqmi

Jehova Diosqa familiakuna kusisqa kanantam munan (Sl 127:3-5; Ec 9:9; 11:9). Ichaqa wakinpim llumpay hukmanyasqa tarikuchwan utaq imapipas pantachwan, chayraykum familianchikkunawanpas llakisqallaña tarikuchwan. ¿Imatataq familianchikpi sapakama ruwachwan llapanchik kusisqa kanapaq?

Allin qusaqa warmichantam respetan hinaspa anchata kuyan (1Pe 3:7). Tiempochakunmi warmichanwan kuska kananpaq, manataqmi hikutanchu mana atisqanta ruwananpaqqa hinaspapas warmichan payrayku chaynataq familianrayku tukuy ima ruwasqanmantam agradecekun (Col 3:15). Kuyasqantam warmichanta nin ­hinaspapas alabaykunmi (Pr 31:28, 31).

Allin warmiqa kallpanchakunmi qusanta yanapananpaq (Pr 31:12). Qusantam tukuy imapi kasukun hinaspapas ima tantiasqanpipas yanapanmi (Col 3:18). Kuyakuywanmi rimapayan, hukkunawan rimaspapas qusanmantam allin kaqkunata riman (Pr 31:26).

Allin tayta-mamakunaqa warmankuwan kuska kanankupaqmi tiempochakunku (Dt 6:6, 7). Warmankuta ancha kuyasqankutam ninku (Mt 3:17). Yachankutaqmi haykapi chaynataq imaynata corregiytapas ichaqa kuyakuywanmi correginku (Ef 6:4).

Allin warmakunaqa tayta-mamankuta respetaspankum kasukunku (Pr 23:22). Paykunamanmi willakunku imayna sientekusqankuta chaynataq imakuna piensasqankutapas. Tayta-mamanku corregiptinkupas respetaspankum kasukunku (Pr 19:20).

IMAYNATAM AYLLUNCHIKPI KUSISQA KAWSAKUCHWAN SUTIYUQ VIDEOTA QAWARUSPA, KAY TAPUKUYMANTA RIMARIY:

Qawasqanchik videopi aylluqa, ¿imatataq sapakama ruwarqaku familiankupi aswan kusisqa kanankupaq?