DIOSPAQ HINA KAWSANAPAQ
Tayta-mamakuna warmaykichikta yanapaychik Jehova Diosta kusichinankupaq
Jehova Diospaqqa warmakunaqa quri-qullqi hinam. Payqa yachanmi iñiyninkupi ñawparisqankuta hinaspa ima sasachakuytapas aguantasqankuta (1Sa 2:26; Lu 2:52). Taksachallaraq kaspankupas kasukuq kasqankuwanmi warmachakunaqa Jehova Diosta kusichinmanku (Pr 27:11). Jehova Diosqa tayta-mamakunatam yanapan qillqakunawan, videokunawan warmankuta yanapanankupaq. Chaynapi payta kuyanankupaq hinaspa kasukunankupaq.
HINALLA KALLPANCHAKUQ WARMACHAKUNAQA DIOSTAM KUSICHINKU SUTIYUQ VIDEOTA QAWARUSPA KAY TAPUKUYKUNAMANTA RIMARIY:
¿Imaynatam Jehova Diosqa warmakunata yanapachkan ñawpaq watakunamantaraq?
¿Ima yanapakuykunataq kachkan tayta-mamakuna warmankuta yanapanankupaq?
Warmakuna, Jehova Diospa qususqaykichik qillqakunamanta hinaspa videokunamanta, ¿mayqintaq yanapasurqankichik? ¿Imanasqa?