Asiriykusqanwanmi huñunakuyman rirurqaku

Helenmi Diosmanta willakusqanpi iskay sipaskunata asirichkan.

FILIPINAS nacionpim mercadopa kasqanta iskay sipaskuna richkarqaku, hinaspankum carretachawan Diosmanta willakuq iñiqmasinchikkunata rikururqaku. Hinaptinmi Helen sutiyuq iñiqmasinchik paykunata qawariykuspan asiriykurqa. Chay sipaskunaqa mana asuykuspankupas iñiqmasinchikpa asiriykusqanwanmi kusirikurqaku.

Wasinkuman carrowan kutichkaspankum carretachapi rikusqanku jw.org nisqata rikururqaku huñunakunanchik wasipa punkunpipas. Hinaspankum carromanta bajaruspanku qawarqaku imay punchaw chaypi huñunakusqankuta.

Hina chay sipaskunallam huñunakuyman yaykuchkanku, hinaspankum Helenta rikuruspanku asirichkanku.

Chay sipaskunaqa huñunakuymanmi rirurqaku, hinaspankum kamas rikururqaku asirispan qawariq iñiqmasinchik Helenta. Helenmi willakun: “Paykuna asuykamuwaptinmi ‘ima mana allintachiki ruwaruni’ nispay mancharikurqaniraq”, nispa. Chay sipaskunañataqmi nirqaku imanasqa huñunakuyman rirusqankumanta.

Chay sipaskunaqa huñunakuyta uyarisqankuwan hinaspa iñiqmasinchikkunawan parlarisqankuwanmi kusisqa karqaku. Huñunakuy tukuyta pichaypipas yanapakurqakum. Huknin sipasqa huklaw nacionmanmi ripukurqa. Huknin sipasmi ichaqa bibliata estudiayta hinaspa huñunakuykunaman riyta qallaykurqa.