¿Yuyachkanchikchu?

¿Leerqanchikchu kay watapaq Willakuq qillqakunata? ¿Imatam kay tapukuykunamanta nichwan?

¿Santiago 5:11 nisqanpi Jehova Dios ‘kuyapayakuq’ hinaspa ‘llakipayakuq’ kasqanwanqa imamantam mana iskayrayachwanchu?

Llakipayakuq kasqanraykum huchanchikmanta pampachawanchik. Santiago 5:11 nisqanwanñataqmi yachanchik kuyakuywan yanapawasqanchikta. Chaynaqa, Jehova Diostayá qatipakusun (w21.01, pag. 21).

¿Imanasqataq Jehova Diosqa munarqa umalliqkuna kananta?

Umalliqkunataqa churarqa paykunata kasukuspa hawka hinaspa kusisqa kawsakunapaqmi. Mana paykuna kaptinqa munasqanchikman hina kawsakuspachá sasachakuypi kachwan, manataqchá pipas kanmanchu imata ruwanapaqpas yanapawaqninchik (w21.02, pag. 3).

¿Imatam mana ruwananchikchu internetnintakama qillqanakuspaqa?

Pikunawan qillqanakunanchiktam sumaqta yachananchik, astawanraqmi cuidakunanchik grupopi qillqanakuspaqa (1 Tim. 5:13). Cuidakunanchiktaqmi imamantapas mana sumaqta yachaspa willakuymantapas. Manataqmi iñiqmasinchikkunataqa hikutananchikchu chaynintakama imatapas rantiwananchikpaqqa (w21.03, pag. 31).

¿Imanasqataq Jehova Diosqa Jesus ñakarinanta hinaspa wañukunanta mana harkakurqachu?

Qirupiqa wañukurqa ñakasqa kasqankumanta judiokunata librananpaqmi (Gal. 3:10, 13). Chaymantapas, manaqa harkakurqachu sacerdotekunapa kamachiqnin kaspan runakunata yanapananpaqmi hinaspa sasachakuypi kaspa Diosman sunqu kay atisqanchikta qawachinanpaqmi (Job 1:9-11) (w21.04, pag. 16, 17).

¿Imatam ruwachwan runamasinchikkunata wasinkupi mana tarispanchik?

Wasinkupi kasqanku hora willakunapaqmi kallpanchakuchwan. Willakuchwantaqmi huklawkunapipas chaynataq cartawanpas utaq celularwanpas (w21.05, pag. 15, 16).

¿Apostol Pabloqa ima niytataq munarqa “ñuqaqa leynintakamam chay leypaqqa wañuruniña” nisqanwanqa? (Gal. 2:19).

Moisespa leyninqa karqa runakunapa mana allin ruwasqankuta qawachinanpaqmi hinaspa promesata chaskiq miray chayamunankamam (Gal. 3:19, 24). Pablopas Jesuspi iñisqanraykum Diospaqqa mana huchayuqña karqa. Chaymi manaña obligasqachu karqa Moisespa leyninta kasukunanpaqqa (w21.06, pag. 31).

¿Imakunata aguantananpaqmi Jehova Diosqa tantiarun?

Sutin pinqayman churasqa kasqantam, paylla kamachiq kasqanta mana kaqpaqpas hapisqankutam, wakin churinkunapa qipanchasqankutam, llullakunata satanas rikurichisqantam, serviqninkunapa ñakarisqankutam, kuyasqan serviqninkunapa wañukusqankutam, mana allin ruwaqkuna hukkunata ñakarichisqankutam hinaspa millakuypaq mana allinkunatam (w21.07, pag. 9-12).

¿Imatam yachachwan Joseypa pacienciakusqanmanta?

Wawqinkunam chiqnispanku tukuy mana allinkunata ruwarqaku, chaymi payqa yanqamanta tumpasqa kaspan unay wata carcelpi karqa Egipto nacionpi (w21.08, pag. 12).

¿Imayna katkatatachiymantam riman Hageo 2:6-9, 20-22 nisqan?

Willakusqanchiktaqa yaqa lliw runam mana uyariyta munanchu. Chaywanpas achkam uyarichkanku. Ñamá Jehova Diosqa katkatatachichkaq hina mana allinkunata chinkachinqaña (w21.09, pag. 15-19).

¿Imanasqataq Diosmanta willakuytaqa mana amirunanchikchu?

Payqa kallpanchakusqanchikwanmi anchata kusikun. Mana amiruspa hinalla willakuspaqa wiñaypaqmi kawsakusun (w21.10, pag. 25, 26).

¿Imaynatam Levitico 19 capitulopa nisqan yanapawanchik ‘tukuy kawsayninchikpi chuya kanapaq’? (1 Ped. 1:15).

Yaqachusmi chayna nisqanqa Levitico 19: 1, 2 nisqanman hina kachkan. 1 Pedro 1:15 nisqanman hina kawsakunapaqmi Levitico 19 capitulopi nisqankunaqa yanapawanchik (w21.12, pag. 3, 4).