Lliw runam piensananchik imam allin utaq mana allin kasqanmanta

Mana riqsisqayki lawman riyta munaspaykiqa, ¿imatam ruwawaq?

1. 1. ¿Hinatachu pasanki chinkanayki kaptinpas “kayninta-chaynintach luego chayarusaq” nispa?

2. 2. Icha ¿hukkunatachu qatikunki paykuna riqsisqankuta piensaspayki?

3. 3. Icha ¿chay caminota allinta riqsiq amistadnikitachu tapukuwaq utaq mapatachu qawaykuwaq?

Piensasqaykiman hina rispaqa utaq mana riqsiqkunata qatikuspaykiqa manapaschá riy munasqaykimanqa chayankichu. Chay ñanta allinta riqsiq amistadnikita tapukuspam ichaqa munasqaykiman chayanki.

Vidanchikqa maytapas richkachwanchik hinam, llapallanchikmi chayayta munanchik kusisqa vidaman. Kusisqaqa kawsakusun imapipas allinta tantiakuspallam. Chaypaqqa yachanam pi uyariyta utaq pi kasukuyta.

Sapa punchaw imapas tantiasqanchikqa manam vidanchiktaqa cambiarunchu, wakin imapas tantiasqanchikmi ichaqa vidanchikta cambiarunman. Tantiakunchikqa ñuqanchikpaq imam allin utaq mana allin kasqanta piensaspam. Imayna tantiakusqanchikman hinam ayllunchikpas, kikinchikpas qipakunaman allin kasun utaq manapas. Kaykunamantam tantiakunanchik:

• Warmi-qari puñuymanta, casado vidapi imayna kawsakunamanta.

• Allin concienciayuq kaymanta, imapi llamkaymanta hinaspa qullqimanta.

• Warmakunata imayna uywaymanta.

• Hukkunawan imayna kanamanta.

¿Imaynatam yachawaq tantiakusqayki qampaq hinaspa familiaykipaq allin kananta?

Chaymantapas llapanchikmi kaynata nikunanchik: “¿Imataq yanapawanman imam allin kasqanta yachanaypaq chaynapi allinta tantiakunaypaq?”, nispa.

Kay revistapim yachasun imam allin kasqanta yachanapaq imanasqa bibliapi confianamanta hinaspa bibliapa nisqanman hina tantiakuspaqa kusisqa kawsakunamanta.