Estudiasqanchikmanta aswan allin kaqkunata yuyarisun

Yaqa llapanchikmi imatapas estudiaspanchik wakinpi kamas qunqarunchik. Mana chaylla qunqarunapaqmi yanapawachwan imatapas estudiarusqanchikmanta aswan allin kaqkunata yuyariyninchik.

Imatapas estudiaspanchikqa sapa partenpim sayaspa nikunanchik: “¿Imatam kaypi yachachkani?”, nispa. Chayta ruwanankupaqmi apostol Pablo nirqa carta apachisqanta estudiaq iñiqmasinkunata. Paymi nirqa: “Tukuy nisqaykunapa yachachikuyninqa kaymi”, nispa (Heb. 8:1). Chayna nisqanwanmi yanapachkarqa yachachisqankuna hinaspa nisqankuna imayna tupasqanta entiendenankupaq.

Estudiayta tukuruspanchikqa allinmi kanman 10 minutollapas estudiasqanchikmanta aswan allin kaqkunata yuyariyninchik. Allinta mana yuyaspanchikqa kaqmantam leeykuchwan titulonkunata utaq sapa parrafopa qallariyninkunata. Imatapas chayllaraq yacharuspanchikqa ima entiendesqanchiktam umallamanta nichwan. Imatapas estudiasqanchikmanta aswan allin kaqkunata yuyarispanchikqa vidanchikpipas chayman hinam kawsakusun.