Dibujokunawan hinaspa fotokunawanyá allinta yanapachikusun

Qillqanchikkunapiqa achka dibujokunawan fotokunam lluqsimun imamanta yachachisqanta entiendenanchikpaq hinaspa yuyananchikpaq. Chaynaqa, ¿imatam ruwananchik?

• Ima yachachikuytapas manaraq leechkaspa fotokunatawan dibujokunata puntata qawasun. Ichapas chayta ruwaspanchikqa chay yachachikuyta astawan leeyta munasun. Imaynam ima mikuytapas qawaspaqa astawan mikuyta munanchik, chaynam ima yachachikuytapas manaraq leechkaspa tapukuchwan: “¿Imatam qawachkani?”, nispa (Amos 7:​7, 8).

• Chay yachachikuyta leechkaspa piensarisun imanasqa chay fotota utaq chay dibujota akllarusqankuta. Chay fotopa utaq dibujopa willakuynin kaptinqa ima nisqantam leechwan. Piensarisuntaq yachachikuywan imayna tupasqanpipas chaynataq imata yachachiwasqanchikpipas.

• Leeyta tukuruspañataq chay fotokunata utaq dibujokunata kaqmanta qawarispa yuyarisun imakunamanta yachasqanchikta. Chaymantañataq qimchiykuspanchik ima fotokuna utaq dibujokuna kasqanta chaynataq ima yachasqanchikta yuyarisun.

• ¿Atiwaqchu kay qillqapi fotokunatawan dibujokunata qawaruspa imakuna yachasqaykita yuyariyta?