¿Imapaqtaq kachkan versiculokunapi rikuriq taksa letrachakuna?

Musuq allpa pachapi kawsaqkunapaq bibliata leespanchikmi wakin palabrakunapa tukuyninpi a, b, c, . . . niq taksa letrachakunata tarisun. ¿Imapaqtaq chaykunaqa kachkan? Leesqanchik versiculomanta astawan rimaq huk textokunata tarinapaqmi. Chaywanmi yachanchik chay versiculopa nisqanqa bibliapa wakin partenkunawan tupasqanta. Papelpi bibliata leespaqa chay letrachakuna ima textokuna leenapaq niwasqanchiktam tarisun sapa paginapa chawpinpi. Internetpi jw.org nisqanpi utaq JW Library^® nisqanpi bibliata leespanchikñataqmi chay taksa letrachakunata ñitiykuchwan, hinaptinmi huk textokuna rikurinqa.

¿Imakunatam chay taksa letrachakunapi tarisun?

Hina chaymanta rimaq textokunatam. Wakinpiqa hina chay pasasqallanmantam wakin textokunaqa riman. Chaytam qawachwan 2 Samuel 24:1 nisqanpi. Chaypi kaq letracham apawasun 1 Cronicas 21:1 nisqanman.

Chay textota pi puntata nisqantam. Letrachakunapa nisqan textokunata leespaqa yachasuntaqmi maymanta hurqusqa kasqantapas. Chaytam qawachwan Mateo 4:4 nisqanpi. Chaypi kaq letracham apawasun Deuteronomio 8:3 nisqanman.

Willakusqanmantawan cumplikusqanmanta textokunatam. Letrachapa nisqan textota maskaspam tarisun chay versiculopa nisqan imayna cumplikusqanta. Chaytam qawachwan Zacarias 9:9 nisqanpi. Chaypi kaq letracham apawasun Mateo 21:5 nisqanman.