¿Pitataq akllakunki kamachisunaykipaq? | ¿Yaqachu bibliapiqa imallatapas nin?

Runakunam akllachkanku presidentenkuta utaq kamachiqninkuta, chaypaqqa sumaqtamá tantiananku.

¿Imatataq nin bibliapi chaymanta?

Runakunaqa autoridad kaspapas atisqallankutam ruwanku

Bibliapim niwanchik autoridadkunaqa makinkupi kaqllata ruwasqankumanta.

• “Kamachiqkunapiqa amayá hapipakuychikchu. Runakunapipas amayá hapipakuychikchu, paykunaqa manam salvaytaqa atiwachwanchu. Runakunapa samaynin chinkaruptinqa allpamanmi kutiykunku. Chay punchawllapim ima ruway munasqankupas tukurun” (Salmos 146:3, 4).

Tukuy imataña allinta ruwaspankupas autoridadkunaqa wañuqllam kanku. Allin kaqtaña ruwaspankupas manam atinkuchu qipanku hamuqpas chaynata ruwanankupaq imapas ruwaytaqa (Eclesiastes 2:18, 19).

Bibliapim nin runakunaqa mana kamachinakunankupaq unanchasqa kasqankumanta.

• “Runapaqqa manam makinpichu maynin puriyta akllakunanpaqqa” (Jeremias 10:23).

¿Yaqachu kunan punchawkuna pipas allin kamachiq?

¿Pitaq Diospa churasqan kamachiqqa?

Bibliapim niwanchik, Diosqa imatapas allinta ruwaq runata chaynataq confianza runata kamachiq kananpaq akllarusqanmanta. Payqa Jesucristom (Salmos 2:6). Paytam Dios churaykun kamachiq kananpaq, hanaq pachapiqa ñam kamachichkanña (Mateo 6:10).

¿Jesustachu akllakunki kamachiqniki kananpaq? Bibliapim niwanchik imaynanpi chayta tantiakunamanta:

• “Diospa churintayá hatunchaychik, manachayqa qamkunapaq Dios piñakuptinmi wañuruwaqchik, paypa piñakuyninqa chayllam chayaramusunkichikman. ¡Mayna kusisqam Diospi hapipakuqkunaqa!” (Salmos 2:12).

Kunanmi chaypaqqa tantiakunanchik. Bibliapi willakuykunaman hinaqa 1914 watapim Jesusqa kamachiyta qallaykurqa. Willakuykunaqa nintaqmi llapallan kamachiqkunata ñutupaspa, payllaña kamachiq kananmanta (Daniel 2:44).

Kamachiqninchik Jesusta yanapayta munaspaykiqa “¿Imanasqataq kallpanchakunanchik Diospa munasqanman hina kawsakunapaq?” niq yachachikuyta leey.