¿Imakunatam Diosta mañakuchwan?

Imatam biblia nin

Jehova Diostaqa imatapas mañakuchwanmi, ichaqa munayninman hinam mañakunanchik. Bibliam nin:‘Munasqanman hina mañakuptinchikqa Diosqa uyarinmi’, nispa (1 Juan 5:14). Paytaqa llakinchikkunamantapas willakuchwanmi. Bibliaqa nintaqmi: ‘Qamkunaqa tukuy sunquwanyá payta rimapayaychik’, nispa (Salmo 62:8).

Kaykunatam Diosta mañakuchwan

• Diospi astawan iñinapaq (Lucas 17:5).

• Chuya espiritunta, chaynapi allin kaqkunata ruwananchikpaq (Lucas 11:13).

• Sasachaykukunapi utaq tentacionkunapi kaspa chaykunata atipananchikpaq (Filipenses 4:13).

• Sunqunchikpi hawkayayta tarinanchikpaq (Filipenses 4:6, 7).

• Allinta tanteanapaq yachayta quwananchikpaq (Santiago 1:5).

• Sapa punchaw mikuyninchik ama pisichipuwananchikpaq (Mateo 6:11).

• Huchanchikkunata pampachawananchikpaq (Mateo 6:12).