Willakuy

a Pantaq kasqanchikraykum wakinpiqa ruwasqanchikwan utaq rimasqanchikwan iñiqmasinchikkunata sientirachichwan. Chayna kaptinqa, ¿imatam ruwanchik? ¿Kallpanchakunchikchu allinyanakunanchikpaq? ¿Ninchikchu pampachaykuwananchikpaq icha “paypa huchanmiki” nispachu ninchik? ¿Imatam ruwanchik iñiqmasinchikkunapa ruwasqankuwan utaq rimasqankuwan chaylla sientikuruq kaspaqa? ¿“Hina chaynam ñuqaqa kani” ninchikchu icha mana chayna kanapaqchu kallpanchakunchik?