Exodo
13 Jehova Diosqa Moisestaqa nirqataqmi: 2 “Israelpa miraynin runakunapa piwi* qari churinkunatayá sapaqchapuway. Israelpa mirayninpi kaq piwi qarikunawan animalkunapi punta naceq urqu kaqkunaqa ñuqapam”, nispa.+
3 Chaymantam Moisesqa Israelpa miraynin runakunata nirqa: “Kay punchawtaqa yuyarinaykichikmi,+ kay punchawpim Jehova Diosqa atiyninwan hurqusuchkankichik Egiptopi ñakarisqaykichikmanta.+ Chayraykum mana mikunaykichikchu levadurawan ruwasqa ima tantatapas. 4 Kunan punchaw abib* killapim qamkunaqa lluqsichkankichik.+ 5 Jehova Diosqa ñawpaq abueloykichikkunamanmi nirqaña+ Canaan runakunapa, Het runakunapa, Amorreo runakunapa, Hev runakunapa hinaspa Jebus runakunapa yachasqan* allpata qusunaykichikmanta.+ Chay allpaqa tukuy imapa kanan allpam*.+ Chay allpaman Dios chayachisuptikichikpas kay punchawtaqa hinallam kay killapi yuyarinaykichik. 6 Qanchis punchawpunim mana levadurawan ruwasqa tantata mikunaykichik,+ qanchis kaq punchawqa Jehova Diosta yupaychanaykichik punchawmi kanan. 7 Qanchisnintin punchawmá mana levadurawan ruwasqa tantata mikunaykichik.+ Maymi kasqaykichikpiqa manam kananchu levadurawan ruwasqa ima tantapas+ nitaq levadurayuq masapas. 8 Chay punchawmi churikichikta ninkichik: ‘Kaytaqa ruwachkanchik Egiptomanta lluqsimuptinchik Jehova Dios yanapawasqanchikraykum’, nispa.+ 9 Chay punchawqa makikichikpi hinaspa urkuykichikpi* qillqasqa hinam kanan yuyarinaykichikpaq.+ Chaynapim atinkichik Jehova Diospa kamachikuyninkunamanta rimayta, Jehova Diosqa atiyninwanmi Egiptomanta hurqumusurqankichik. 10 Watan-watanmi chay kamachikuytaqa chay punchawpi kasukunaykichik.+
11 Jehova Dios qamkunaman chaynataq ñawpaq abueloykichikkunaman qusunaykichik allpaman pusasuptikichikqa,+ 12 qari kaq piwi churikichiktam Jehova Diospaq sapaqchankichik chaynataq punta naceq urqu animalnikichiktapas. Punta naceqkunaqa lliwmi Jehova Diospaq kanku.+ 13 Punta naceq asnoykichikpa rantinpiñataqmi huk ovejata qunaykichik. Mana quspaykichikqa asnoykichiktam matankanpi* wañuqpaq waqtanaykichik. Chaymantapas lliw piwi churikichikpa rantinpim imallatapas qunaykichik.+
14 Sichum churikichik nisunkichik ‘¿imanasqataq kay punchawta yuyarichkanchik?’ nispa hinaptinqa, ninkichikmi: ‘Egiptopi sirviente kasqaykumantam Jehova Diosqa atiyninwan hurqumuwarqaku.+ 15 Egipto nacionta kamachiq* mana kachariwaptinkum+ Jehova Diosqa Egiptopi piwi churikunata hinaspa punta naceq animalkunata wañurachirqa.+ Chaymi Jehova Diospaqqa punta naceq urqu animalkunata wañuchipuniku chaynataq piwi kaq qari churiykupa rantinpi imatapas quniku’, nispa. 16 Chayqa makikichikpi hinaspa urkuykichikpi qillqasqa hinam kanan yuyarinaykichikpaq,+ chaynaqa kanan atiyninwan Jehova Dios Egiptomanta hurqumuwasqanchikraykum”, nispa.
17 Israelpa miraynin runakunata Egiptota kamachiq kachaykuptinqa Diosqa manam Filistea runakunapa ñannintachu pusarqa chayninta hichpalla kaptinpas, aswanqa huklawnintam pusarqa kayna nisqanrayku: “Hawkam paykunaqa guerrapi kaspanku mancharikuspa Egiptoman kutikunmanku”, nispa. 18 Chayraykum Diosqa chunniq ñanninta runankunata pusananpaq muyuchirqa, chay ñanqa Puka lamar qucha patantam rirqa.+ Israelpa miraynin runakunaqa Egiptomantam guerrapaq hina tropanpi lluqsimurqaku. 19 Moisesñataqmi Joseypa nisqanman hina Joseypa tullunkunata aparqa. Joseyqa Israelpa mirayninkunatam nirqa: “Diosqa manapunim saqisunkichikchu. Kaymanta lluqsispaykichikqa tulluykunatam apankichik”, nispa.+ 20 Chaymantam Israelpa miraynin runakunaqa Sucotmanta rispanku chunniq qichwapa qallarisqan Ezam lawman chayarurqaku, hinaspam chaypi samarqaku.
21 Jehova Diosqa pusaspanmi paykunapa ñawpaqninta rirqa. Punchawmi pusarqa sayanpa puyuwan,+ tutanñataqmi pusarqa achkiq sayanpa ninawan. Chaynatam tutapas hinaspa punchawpas pusarqa.+ 22 Israelpa miraynin runakunamantaqa manam karunchakurqachu punchawpi sayanpa puyupas nitaq tutapi sayanpa ninapas.+